ඔබ අනිවාර්යෙන් කියවිය යුතු ලිපියක්

බෞද්ධයන් වන අප මිනිස් භවයක වටිනාකම දන්නෙමු. මෙසේ මිනිස් භවයක් ලබන්නට නම් අප කෙතරම් පුන්‍යකර්ම කළ යුතුද, මේ ඉපදිලා ඉන්නෙත් පෙර භවයක අපි කරපු පුන්‍යකර්මයක බලයෙන්. අපි තුන්වේලටම කන්න පින් කරලා තියෙනවා.(එහෙම නැති අයත් ඉන්නවා), අතපය හතර හොඳට තියෙනවා, ඇස් කන් දුර්වළතා නැහැ. නමුත් අවාසනාට මිනිස් භවයක් ලබාගන්න පින් කරපු අයට මේ දේවලුත් නැති වෙලා තියෙනවා. ඒ විතරද බයක් නැතුව පාරෙ බැහැලා යන්න පුලුවන් රටක ඉපදිලා ඉන්නවා.මම තව විස්තර කියන්නෙ නැහැ කෙලින්ම මාතෘකාවට යන්නම්,

පොඩ්ඩක් හිතලා බලන්න ඔය ලැබුණ මිනිස් භවයෙදිත් ඔයාලා මොක්ද කරන්නෙ කියලා, අඩුමගානෙ පන්සිල් පද 5වත් ආරක්ශා කරනවද? දවසට බොරු කීයක් නම් කියනවාද? හරි පොඩි බොරුඉවක් උනත් බොරුවක්, අලියෙක් මැරුවත් එකයි මිනිහෙක් මැරුවත් එකයි මදුරුවෙක් මැරුවතෙ කයි, පව පවමයි. හිතේ දුක නිවෙන්න කියලා බිව්වහම හරිද? දුක කියන්නෙ පාසල් දරුවන් පවා මේ වැඩේට ගොදුරු වෙලා ඉන්න එක, යාලුවනේ බුදුදහමෙන් මෙහෙම වැට බඳින්නෙ කිසි අමාරුවකට නෙවේ, සමාජයේ මෙන්ම මිනිසාගේද ලෝකයේමද යහපැවැත්ම නිසා. සැබෑ ආගමක් දර්ශණයක් නම් කිසිම වෙලාවක කියන්නෙ නැහැ අහවල් කෙනාට ගහන්න අහවල් කෙනාව මරන්න කියලා.සොරකම් කරලා ගන්න දෙයක් පවතින්නෙත් නෑ ඒක වටින්නෙත් නෑ, අඩුමගානෙ මේකෙ (Blog of Sadeepa) crack එකක්වත් දන්නෙ නැහැ. මම බුදුදහම මූලික කරන් කියන දෙයක් නෙවේ මම බෞද්ධයෙක් නිසා පැහැදිලි කරන්න තියෙන පහසුවට තෝරගත්තෙ.

මම හිතුවා අද මේ වැඩේට බරපතලම ගොදුරු වෙන තරුණ හා ළමා පරපුර ගැන කතාකරන්න.
සොබාදහමට අනුව ගත්තොත් වයස අවු. 15ක් පමණ වන විට ආදර හැඟීමක් එන එක වැරදියි කියන්න බැහැ. නමුත් වත්මන් සමාජ ක්‍රමයට අනුව එය වැරදි දෙයක් ලෙසයි සළකන්නෙ, මොකද වැඩිහිටියන්ගෙ මතයක් තියෙනවා ඔය දේ නිසා දරුවන්ගේ අධ්‍යාපන කටයුතු අඩාල වෙයි කියලා.

 හරි දෙමාපියන්ට හොරෙන් හරි මෙහෙම යාලු වෙන අය මොකද කරන්නෙ? ආදරය කරනවා. ඔව් දවසට කීයක් නාස්ති කරනවාද? sms එකකට යන සත 10 ඒවා කීයක් දවසට එකතු වෙනවාද? දවසට් පැය කීයක් call ගන්නවාද? සතියට Card කීයක් දානවද? අන්තිමට මොකක්ද ලැබුනේ? පන්ති යනවා කියලා කොච්චර නම් රවුම් ගහනවාද? ඔය නාස්ති කරන්නෙ කාගෙ සල්ලිද? අම්මා තාත්තා මහන්සි වෙලා හරිහම්බ කරන මුදලත් දරුවාට දෙන්නෙ දරුවගෙ අනාගතේ ගැන හිතලා. ඒත් ඒ දරුවා අනාගතයට හරි පාරෙ ගමන් කරන්නෙ නැතුව අනාගතේදි කරන්න තියෙන දේවල් කලින්ම කරොත් මොකද වෙන්නෙ?
සමනලයා ඉපදෙන්නෙ සමනලයා විදියටම නෙවේ, ඌත් විවිධ අවස්ථා පහු කරගෙන තමයි එන්නෙ ඔය සමනලයා දළඹු අවස්ථාවෙන්ම පියාඹන්න හැදුවොත් මොකද වෙන්නෙ? අන්තිමට අර සමනලයා වෙන අදහසත් අතෑරගන්න තමයි.
අම්මා අහනවා පුතේ ඇයි ඔච්චර සල්ලි ඉල්ලන්නෙ කියලා, දරුවා නැති සුරංගනාලෝක මවනවා. ඔතනින්ම කැඩෙනවා බොරු නොකියනවා කියන සිල් පදය. ඒ දෙන සල්ලි මදි වෙනවා ඇයි කෙල්ලගෙ උපන්දිනේට තෑග්ගක් අරන් දෙන්න, මොකද කරන්නෙ උස්සනවා සල්ලි. තවත් සිල් පදයක් කැඩුනා. කෙල්ල පස්සෙන් කොහෙවත් යන කොල්ලෙක් එනවා, ඉතින් මොකුත් නෑ ඒ කොල්ලට ගහනවා ආයෙ කෙල්ලෙක් දිහා බලන්නෙවත් නැතුව යන්න. 
ඔය වැඩේ ඔතනින් නතර වෙනවනම් එකක්, ඒත් අද ලංකාවෙ ළමා මව්වරු කී දෙනෙක් ඉන්නවා කිඅයලද හිතෙන්නෙ.මම ඒ ගැන වැඩිය කතා කරන්න කැමති නැහැ, ඇත්තටම ශෝකජනය දෙයක් ඒක.මෙතනදි තවත් සිල් පදයක් කැඩෙනවා.හරි සිල් පද 4ක්ම කැඩුවා, ඒත් මදි නේද?

අද පත්තරයක් ගත්තොත් ඒකෙ පොල්ගෙඩි අකුරෙන් මෙහෙම තියෙනවා, Facebook එකෙන් හමු වූ පෙම්වතාට බිලි වූ පාසල් දැරිය. කට්ටිය අර කොල්ලට නැති වෙන්න බනිනවා.හරි කොල්ලත් වැරදි වෙන්න පුළුවන් , කෙල්ලත් වැරදි වෙන්න පුලුවන් අපි ඔතන හිතපු නැති පැත්තක් තිබුණා. ඇයි ඔය කෙල්ලට කොහෙවත් යන කොල්ලෙක්ව ඔය තරම් ලොකු උනේ? කෙල්ලට ලැබෙන ආදරේ අඩුවක් වෙලාද? ඔව් යාලුවනේ ඒක තමයි වෙලා තියෙන්නෙ , ඒ දරුවගෙ දෙමාපියන් දවසම මහන්සිවෙන්නෙ සල්ලි වෙනුවෙන්, දුවට ඉගෙනගන්න නම් ඒකත් ස්අල්ලි වලින් කාරන්නෙ, කන්නද බඔන්නද සේරම සල්ලි වලින් කරලා දෙනවා උසස්ම විදියට, ඒත් අර කියන ආදරේ සල්ලි වලට දෙන්න බෑ, ඒනිසා ඔය කෙල්ල ඔක්ද කරන්නෙ? තමා බලපොරොත්තු වන ආදරය හොයාගන්න යනවා වෙනම ලෝකෙකට, ඒ වෙන කොහෙවත් නෙවේ Facebook එකට. 

ඔතන කොල්ලගෙ මායමට කෙල්ල පිස්සු වැටෙනවා, කෙල්ලට මුලු ලෝකෙම අර කොල්ලා, අපි මොනවා කිව්වත් ටික කාලෙකින් දෙන්නට දෙන්නා තරම් වටින කෙනෙක් තවත් නැතුව යනවා. අන්න කෙල්ල හොයපු ආදරේ ලැබුණා, දැන් කොල්ලා? කොල්ලටත් මාර චාන්ස් එක කෙල්ලව නටවන්න. එතනදි තමා ඔය කොල්ලත් වැරදි වැඩකට යොමු වෙන්නෙ. කොල්ලා කෙල්ලට මොන දේ කරන්න කිව්වත් කෙල්ල කරනවා.(කරන්න වෙනවා එය බලාපොරොර්ත්තු වෙන ආදරය ලබාගන්න) අනේ පව් ඉතින් දෙන්නම නැති කරදරේක වැටිකයි ඕක නිම වෙන්නෙ. අන්තිමට පත්තරෙයි TV එකෙයි හැම තැනම කිව්වට පස්සෙ මෙයාලව සමාජෙනුත් කොන් වෙනවා. සමහර විට ඕක ජීවිතෙනුත් පලිගන්න දෙයක් වෙනවා. අන්තිමට කොහෙවත් තියෙන වෙබ් අඩවියකට ඔය වරද පටවනවා. ඔව් වැරැද්ද ඒක පාවිච්චි කරපු කෙනාගෙ තමයි, ඒත් එයා ඒක වැරදි විදියට පාවික්ච්හි කරපු හේතුවකුත් තිබ්බනෙ.සිරා සිරා කියල කරන love වලින් කීයෙන් කීයක්ද හරියන්නෙ? 

ඕකත් ඉවර වෙනවා එදාට? කොල්ලා කුඩුවෙන්න බොනවා ඇයි? දුකට , හේතුව කෙල්ල දාලා ගිය එක.අපොයි අන්තිම සිල් පදෙත් කැඩුවා.
මොක්ද මේ කරපු වැඩේ? අම්මලා තාත්තලා දුක් මහන්සිවෙලා හදාගත්ත දරුවා අතපය කපාගන්නවා, ජීවිතෙත් නැති කරගන්නවා, එයා ඒ පලි ගන්නෙ කාගෙන්ද? අර මහා පුන්‍යකර්මයක් කරලා ලබාගත්ත මිනිස් භවයම නැති කරගත්තා.
තන්හාව
දවසක් දෙමාපියන් තමන්ගෙ දරුවට දයාද වශයෙන් ඉඩම් බෙදලා දෙනවා, අනේ ඔතනින් එක පුතෙකුට පොඩි ඉඩම් කෑල්ලක් ලැබෙනවා,
පුතා අහනවා, 
"අම්මේ ඔයාලා මට මොනවද දුන්නෙ?" කියලා. මචන්ලා අම්ම කෙනෙක් දරුවට දුන්න දේවල් වචනෙන්වත් අකුරෙන්වත් කියන්න බැහැ.ඒත් වස්තු තන්හාවෙදි අම්මා තාත්තා මතක නැතුව යන අය ඒ අඳුරු ලෝකෙම ජීවත් වෙනවා, එයාලට අනාගතයක් නැහැ.
මෙහෙම දෙයක් කියන්න උනාට සමාවෙන්න යාලුවේ.දෙවරක් සිතන්න, ලැබුණු ජීවිතයෙන් උපරිම ඵල නෙලාගන්න.ලස්සන මල් තියෙනවා තමා ඒත් එව්වගෙ ලස්සන දකින්න විඳින්න එපා වෙනකන් බලන්න, ඒත් එව්වා කඩන්න යන්න එපා.මට හිතුන දේවල් කිව්වෙ ,බණ දේශණාවලදි අහපු උදාහරණ දෙක තුනකුත් දැම්මා.ලිපිය කියෙව්වට පස්සෙ හිතුන දේ අනිවා Comment එකක් දාලා යන්න.