කස්ටිය බලන් උන්නු Windows 10 නිළ සංස්කරණය ආවා

ඔන්න යාලුවනේ මේක නම් දෙන්නෙ 100%ක් නොමිළේ හොඳේ, තව මොන කතාද මෙතනින් ඇවිත් අරගන්න.
Download Windows 10
ඉහත Link එකෙන් පිවිසෙන ඔබට පිවිසිය හැකි වන Microsoft නිළ වෙබ් අඩවියෙහි Windows 10 Download Links දෙකක් 32 Bit හා 64 Bit ලෙස ඇති අතර ඔබගේ පරිගණකයට සුදුසු එක තෝරා එය ලබාගන්න.

Windows 10 මෙහෙයුම් පද්ධතිය ඉතා පහසු අතුරුමුහුණතක් සහිතව ඔබ වෙත එන අතර Windows 7 හී තිබූ Start menu එක සමඟ Windows 8 Start Menu එකද එකට අමුණා ඇති ආකාරය බලන්න.

This combines the strengths of Windows 8 with Windows 7

මෙය Windows 8 හී ශක්තිය Windows 7 සමඟ මුසු කරාවි

-Windows Insider

එන්න Live අත්හදා බලන්න වැඩේ -->> See it in action

ඇත්තටම එයාලා මුල් තැනක් දීලා තියෙනවා ලස්සන අතුරුමුහුණතක් සපයන්න.

එමෙන්ම Cortana

මෙය Windows මෙහෙයුම් පද්ධතිය විසිනි ප්‍රථම වතාවට හඳුන්වාදෙන යෙදවුම් සහයකයෙකි (virtual personal assistant) . මෙය Google Now සහ Apple උපාංග වල භාවිතා වන Siri යන virtual personal assistant App මෙන්ම ජනතාව අතරට එන අලුත් කෙනෙකි. මෙය කටහඬට අනුව ක්‍රියාත්මක වන අතර අන්තර්ජාලයද උපයෝගී කරගෙන ඇතිව ඔබට සහය දක්වයි.

MAIL, CALENDAR, PHOTOS, MAPS වැනි Microsoft සමාගම විසින් ලබා දෙන Apps පවා අලුත් වී ඇත.

CONTINUUM නමින් හඳුන්වන මෙම විශේශාංගය හරහා Tablet පරිගණක සඳහා Desktop පරිගණක වලට සීමා වූ අතුරුමුහුණත Tablet සඳහා හිතකර ලෙස හැඩගස්වා ඇත.

EDGE BROWSER නමින් හඳුන්වන ඔවුන්ගේ නවතම Web Browser එක සුපුරුදු Internet Explorer එක වෙනුවට ඉදිරිපත් කොට ඇත.

ACTION CENTER එක පහසුවෙන් භාවිතා කිරීමට පරිගණක තිරයේ දකුණුපසට එය රැගෙන තිබේ. Windows 8 එකේ Charms වගේ.

ඔබේ XBOX ක්‍රීඩා පරිගණකය වෙතට ගෙන ඒමට ඔවුන් විසින් XBOX Stream To PC විශේශාංගය හඳුන්වා දී ඇත.

HELLO නමින් ඔවුන්ගේ Lock Screen එකද අලුත් වී ඇත. පරණ විදියට Password කොටලා යන එක වෙනුවට පරිගණකය විසින් ඔබව හඳුනාගෙන එය භාවිතා කිරීමට ඉඩ දෙන්නකි.

11:27 AM by Unknown · 4

ඔක්සිජන් නිපදවීමට හැකි ලොව ප්‍රථම කෘතිම ශාක පත්‍රය

සොබාදහමෙන් කෘතිම පරිසරයට පියවර තබන මිනිසා, කෘතිම පරිසරයෙන් සොබාදහම නිපදවන්නට ගත් උත්සාහයක් ගැනයි අද ලිපිය.

Julian Melchiorri නම් විද්‍යාත්මියෙක් විසින් යම් ගැටලුවකට පිළියමක් ලෙස ගත් මෙම උත්සාහය සාර්ථක වෙලා තියෙනවා. ගැටලුව කුමක්ද යන්න ලිපිය අවසානයේ විස්තර වේ.

සිල්ක් ප්‍රෝටීන මඟින් තැනූ ප්‍රභාසන්ස්ලේශණයට අවශ්‍ය වන හරිතලව මෙම පත්‍රයේ අන්තර්ගත කොට ඇත.

මේවා අඩු ශක්තියක් පරිබෝජනය කරන අතර, අඩු බරකින් යුත්, සම්පූර්ණයෙන්ම ජීව විද්‍යාත්මක ඒවාය.

Melchiorri මහතා පැවසූ ආකාරයට මේවා මහා පරිමාණයෙන් වුවද භාවිතා කිරීමට යෝග්‍ය වේ.

වැඩිදුරටත් අදහස් දැක්වූ එතුමන් පවසා සිටියේ, ගොඩනැගිලි තැනීමේදී ඒවාට වාතාස්‍රර සපයීමටද මෙය කදිම වන බවයි. පිටතින් ලබාගන්නා වාතය ඔක්සිජන් ලෙස පිරිපහදු කොට අභ්‍යන්තරයට ලබාගැනීම මෙහි අරමුණයි. වැදගත්ම කරුණ නම්, මෙය නිපදවීමේ මූලික හේතුවක් ලෙස සඳහන්ව තිබූයේ අභ්‍යවකාද කටයුතු වලදී ඔක්සිජන් ලබාගෙනීමට පහසු ක්‍රමයක් ලෙස කෘතිම ඔක්සිජන් නිපදවන යමක් අවශ්‍ය වීමයි. එනිසා සාම්ප්‍රදායික කාල සීමාවක් දක්වා පමණක් පවතින ඔක්සිජන් ටැංකි භාවිතය වෙනුවට අනාගතයේ කෘතීම ශාක පත්‍ර භාවිතා වන ලකුණු හොඳින්ම පැහැදිලිය.

7:12 AM by Unknown · 2

පියාඹන වේටර්වරුන් විසින් කෑම ගෙනියන අවන්හල් සිංගප්පූරුවෙන්

වේටර්ලවත් ගෙදර යවන තාක්ශණයක් තමයි මේක.
සිංගප්පූරු රජයෙන් එරට සංක්‍රමණ කටයුතු අඩු කිරීමට ගත් තීරණයක් නිසා සිංගප්පූරුව තුළ මිනිස් ශ්‍රමයේ අඩාලතාවක් මතුවෙලා තියෙනවා. මෙනිසා එරට අවන්හල් බොහොමයක් වසා දැමීටටත් සිදුවෙලා තිබෙනවා. මෙම ගැටලුවට පිළියම් සෙවීමට බොහොමයක් අවන්හල් උත්සාහගෙන තිබෙනවා. ඉතින් මේකෙ ප්‍රතිඵලයක් විදියට එක් අවන්හලකින් පුදුම හිතෙන දෙයක් කරලා තියෙනවා. පියාඹන වේටර්වරුන්? ඔව් මොවුන් සැලසුම් කර තිබෙන්නේ Infinium Robotics’ ඩ්‍රෝන තාක්ශණයෙන් මෙම අවන්හල්වල සේවක කටයුතු 2015 අග වන විට ක්‍රියාවට නංවන්නයි.

පරිගණක වැඩසටහන්ක් මත පදනම් වූ පාලන ඒකකයක් සහිත මෙම රොබෝවරු අවන්හල පුරා සවිකර අඑති අදෝරක්ත කිරණ ස්අංවේදක (infrared sensors) භාවිතා කර තමන්ගේ ගමන් පථය සොයාගන්නවා. එක් ඩ්‍රෝනයක් විසින් 2kg බරක් රැගෙන යා හැකි අතර එය බියර් දෙකක් හා වයින් වීදුරු දෙකක් සමඟ පීසා එකක් රැගෙන යාමට සෑහෙන බව සදහන් කර තිබෙනවා.

කෙසේවෙතත් මෙවැනි දෙයක් ක්‍රියාවට නැංවීමට පෙර සලකාබැලිය යුතු ගැටලුද තිබේ, උදාහරණයක් ලෙස මෙම ඩ්‍රෝන ගන් කරන අවස්ථාවල ඒවා පාරිභෝගිකයන් සමග ගැටීමට ඇති හැකියාව.
එනිසා මෙම රොබෝවරුන්ට කැමරා සවි කර එය වලක්වාගැනීමට තීරණය කර තිබේ.

මෙලෙසින් Smart වන අවන්හල් අනාගතයේ ලංකාවෙත් සෑදේවිද? මේවා පාරිභෝගියකින්ට කෙසේ බලපාවිද? එය විස්මයකි.

7:11 AM by Unknown · 1

ලොව විශාලතම ගෘහස්ථ ගොවිපල බලන්න යමු

අපි දන්න දෙයක්නෙ ඉතින් ජපානය කියන්නෙ අමුතු දේවල් කරන රටක් කියලා. ඉතින් මේ ලිපියෙන් කියන්නෙත් එහෙම වැඩක් ගැන. මෙතන විශේශත්වය වෙන්නෙ සාම්ප්‍රදායික ගොවිපලවල් මෙන් එලිමහනේ නොමැති සිවිලිමෙ සිට බිමට එල්ල වන ගෘහස්ථ ගොවිපලක් වීමයි. වර්ග අඩි 25,000ක් තුල ගැබ් වූ මෙහි දිනපතා සලාද ගස් 10,000ක් රෝපනය වේ.සාම්ප්‍රදායික එලිමහන් ගොවි බිම් වලට වඩා එමෙන්ම 40%ක බල ශක්ති භාවිතයක්, 80%ක් අඩුවෙන් ආහාර නාස්තියක් හා 99% පමණ ජල ඉතිරියක්ද මෙමඟින් සිදු වේ.

භාවිතා වන භූමි ප්‍රමාණයට වඩා වැඩි ඉඩක මෙම ඵලදාව වැවෙන්නේ රාක්ක මතය. එනිසා භාවිතා වන ඉඩත් විශාල වශයෙන් ඉතිරි වේ.

මෙමඟින් ලැබෙන වැදගත් ව්ආසියක් වනුයේ බොහෝ කාලගුණ තත්ව වලින් ආරක්ශා වන වගාවක් තනාගැනීමට හැකිවීමයි.

එමෙන්ම ප්‍රභාසන්ස්ලේශණයත් සාර්ථකව සිදුකිරීමට අවශ්‍ය සාධක මෙතුල සමන්විත වේ.

LED ආලෝකයෙන් වැවෙන මෙම ශාක සාමාන්‍ය හිරු එලියට වැවෙන ශාක වලට වඩා 2.5ගුණයක් වේගයෙන් වැවේ. මන්ද යත් උශ්ණත්වය, තෙතමනය, ජලවහනය පවා නිවැරදිව සිදුවීම නිසාවෙනි.
ඉතින් ලෝකයේ ආහාර හිඟ ඇති වීමක් සිදු වීමට ඇති ඉඩකඩ අවම කිරීම තකා ඉදිවන මෙම නිර්මාණ මිනිසා විසින් කෘතිම වූ සොබාදහමක් නිර්මාණය කරන මං සලකුණු ගෙනහැරපායි.

3:45 AM by Unknown · 3

Makeup දාන එකත් හොඳටම කරන්න මෙන්න Smart කැඩපතක්

අද කියන්න යන්නෙ පැනසොනික් සමාගමෙන් හදපු Smart කැඩපතක් ගැනයි.ඔයාට තියෙන්නෙ කන්ණාඩිය ඉදිරියට වෙලා කටහඬින් උපදෙස් දෙන්න විතරයි, එවිට ඔබට සුදුසු උසස්ම Makeup එක තෝරා දෙයි.

මෙය සාර්ථකව ක්‍රියාත්මක වීම සඳහා අවශ්‍ය HD කැමරාද කැඩපත තුල අන්තර්ගත කර තිබේ. එමඟින් ඔබේ ස්අම පරික්ශා කර අවශ්‍ය කුමන Makeup එකද යන වග තෝරා දෙයි.

පැනසොනික් සමාගමේ උතුරු ඇමෙරිකාවේ පාරිභෝගික ඉලෙක්ට්‍රොණික අංශයේ සභාපති තුමන් පවසා සිටියේ මෙය ජිල්මාට් එකක් හෝ මැජික් එකක් නොවන බවත්, එය සැබැවින්ම ඔබේ සම පරික්ශා කර බලා සමේ සියුම් රේඛා මඟින් සම තුල තිබෙන ලප කැලැල් ආදියද සොයා බලා එයට සුදුසු ප්‍රතිකර්ම පවා තෝරා දෙන තාක්ශණයක්ද තිබෙන බවයි.

අවාසනාවකට මෙන් පැනසොනික් සමාගම මෙය දැන්ම ජනතාව වෙතට විකුණන්නේ නැති අතර, එය විශාල මධස්ථාන වල විකුණුම් භාන්ඩ ජනතාවට අලෙවි කිරීම වෙනුවෙන් පිහිටුවන බව ඔවුන් සදහන් කර සිටියහ.

3:23 AM by Unknown · 2

ජපානයෙන් එලිදක්වන සුබෝපබෝගී දුම්රිය

මෙහම සුබෝපබෝගී දුම්රියක යන්න අකමැති කෙනෙක් නැති තරම්, කතාව ඇත්තක්ද කියලා බලන්නකෝ ඉතින්, මෙය 2017දී දියත් කිරීමට නියමිත වන අතර Ken Okuyama නම් Ferrari නිර්මාණකරු විසින් JR නැගෙනහිර දුම්රිය ගමන් සමඟ එක් වී සිදු කරයි.

මෙහි කැපී පෙනන ලක්ශනයක් වන්නේ වීදුරු බිත්ති වලින් සමන්විත වීමයි. එමෙන්ම මෙහි ගමන් කළ හැක්කේද මගීන් 34කට පමණි. කෙසේවෙතත් ඔවුන් හට වෙන් වූ දුම්රිය මැදිරි 10ක් වන අතර දුම්රිය ගමන් අතරතුර දෙපස නැරඹීමට හැකි වන ලෙස ඒවා තනා ඇත. එමෙන්ම ඔවුන් හට සෝෆා වැනි ආසනද පිරිණැමේ.

මෙහි නිර්මාණකරුගේ අදහස වන්නේ මෙහි ගමන් කිරීම කාලය හා අවකාශ තුල සැරිසැරීමක් බවයි. මෙය නිර්මාණය කිරීමට යුරෝ මිලියන 3ක පමණ මුදලක් වැයවන බවද වාර්ථා වේ.

6:39 AM by Unknown · 1

ඕනෑම දෙයක් ආලෝකය බවට පත් කරවන ආලෝක පත්‍ර

මෙන්න ගෙදර තියෙන විදුලි බුබුලු ටිකටත් නිවාඩු දෙන්න වෙන වැඩක්. ඔයාලා ආලෝකය ගන්නෙ මේ වගේ පත්‍ර වලින් නෙවේද? කමක් නෑ එහනම් කියවලා බලන්නකො මොකක්ද මේ කියන්නෙ කියලා. ඔබේ නිවසේ තිබෙන ඕනෑම දෙයක් ආලෝක සම්පතක් බවට පත් කරවන මේ පත්‍ර පර්යේශකයන් පිරිසක් විසින් ගත් උත්සාහයක ප්‍රතිඵලයකි.
තවත් විස්තර කලොත් මෙම පත්‍ර මුද්‍රනය කර තිබෙන්නේ කුඩා LED ඒ මත පිහිටන ලෙසයි.

පර්යේශකයන් පැවසූ ආකාරයට මෙම ආලෝක පත්‍ර බිත්තියක වුවත් ඇලවිය හැකි යමක් මත මුද්‍රනය කිරීමටද පුළුවනි. 

අවසානයේ ඔවුන් පවසා සිටියේ දැනට සිදුවන්නේ විදුලි බුබුලු පරිපථ මත පෑස්සීම වුවත් මින් මත්තට එය මුද්‍රනය කිරීම පමණක් සෑහෙන අතර තමාට රිසි සේ කැමති දෙයක් මත එක මුද්‍රනය කර ගත හැකි බවයි.

මෙහි නිර්මාණකරු වන Rohinni පැවසූයේ ලොව තුනීම ආලෝක බල්බය(පත්‍රය) මෙය වන බවයි.

මේවා Program කිරීමටත් අවශ්‍ය Diode එක Address කිරීමටත් පුලුවනි, ඒ කියන්නෙ මේක පත්‍රයක් මත පිහිටවූ Display එකක් සෑදීමටද සෑහෙන බවයි.

6:25 AM by Unknown · 0

ලොව ප්‍රථම Hybrid ගුවන් යානය කේම්බ්‍රිජ් සරසවියෙන්

Hybrid Car ගැනනම් මටත් වඩා දන්න යාලුවො ඇති, ඒත් Hybrid Plane එකක් ගැන අහන පලවෙනි වතාව වෙන්න ඇති මේක. ඉතින් කේම්බ්‍රිජ් සරසවිය ලෝකෙ පලවෙනි දෙමුහුන් ගුවන් යානය හැදුවා. Boeing සමාගම සමඟ එක් වී තැනූ මෙම ගුවන් යානය ඉන්ධන මඟින් ක්‍රියාත්මක වන ඒවාට වඩා 30%ක් අඩුවෙන් ඉන්ධන භාවිතා කොට ක්‍රියාත්මක වේ.

මෙම ව්‍යාපෘතියේ නායකත්වය දැරූ Dr. Paul Robertson මහතා ප්‍රකාශ කර සිටියේ වසර ගනනාවකට පෙර සිටම Hybrid Car භාවිතය තිබුනද මෙම ගුවන් යානය පසුපස තිබෙන්නෙ Hybrid හෝ විදුලියෙන් බලගැන්වුනු තාක්ශනයක් බවයි. මෑතක් වන තුරුම ගැටලුවක් වූයේ වැඩි ශක්ති ප්‍රමාණයක් ගබඩා කර ගැනීමට තිබූ බාදාවයි. කෙසේවෙතත් කාර්යක්ශමතාව වැඩි Lithium-Polymer බැටරි යොදාගනිමින් මෙම ගැටලුවට පිළියමක් සොයාගැනීමට හැකි වූ බවත් ඔහු ප්‍රකාශ කර සිටියා. මෙවැනි බැටරි ලැප්ටොප් පරිගණක වල මෙන්ම දැන් පටන් ගුවන් යානා වලද භාවිතා වේ.වැඩිදුරටත් අදහස් දක්වමින් ඔහු ප්‍රකාශකර සිටියේ දැනට කුඩා පරිමනයෙන් වුවත් අනාගත්යේ එය බහුල වන බවයි.

Honda 4 Stroke එන්ජිමක් සහිත මෙම ගුවන් යානය විදුලි මෝටරක් හා විදුලි ජනකයක් (Generator) සමඟ බැටරියට සම්බන්ද වී Hybrid තාක්ශණය සියතට ගනී. මේවා යුගලක් ලෙස එක් වී Propeller එක කරකවයි. ගුවන්ගත කිරීමේදි වැඩි බලයක් අවශ්‍ය වන බැවින් මෙම ක්‍රම ඉතා වාසිසහගත වේ.

තනි ආසනයක් පමණක් ඇති ගුවන් යානයේ එන්ජිමෙන් ලැබෙන අතිරික්ත බලය බැටරිය ආරෝපනය කර අවශ්‍ය වේලාවට බැටරියේ බලයෙන් විදුලි මෝටරය ක්‍රියා කරවයි. කේම්බ්‍රිජ් සරසවිය මෙහි පළමු ධාවනය සාර්ථකව ඉටු කළහ.

5:59 AM by Unknown · 0

Drones මඟින් තැපැල් කටයුතු කිරීම ප්‍රංශයෙන් ඇරඹේ

අපි නම් දන්නෙ ගෙදර එන ලියුම එන්නෙ පියුම් මාමගෙ අතේ කියලා, ඒත් මේ වැඩෙන් වෙන්නෙ එන ලියුම හෝ පාර්සලය ඩ්‍රෝන තාක්ශණයෙන් ගුවනේ සිට අදාල නිවස වෙත ගෙන ඒමයි. මේ වැඩේට මිලින්ම අතගැහුවෙ Amazon සමාගම වුවත් ප්‍රංශයේ La Poste නම් වේගවත් තැපැල් සේවාවක් විසින් මෙම GeoPost  සේවාව ආරම්භ කර ඇත.

ඒ වන විටත් ඔවුන් විසින් භාවිතා කරන ලද Atechsys නම් GeoDrone ව්‍යාපෘතියක් සමඟ මෙය දියුණු වී තිබේ. ඉතින් ඒ නිසා අඟල් 16 x 12 x 8 ප්‍රමාණයක පාර්සලයක් වුවත් රැගන් යා හැකි ඉලෙක්ට්‍රොණික ඩ්‍රෝනයක් තැනීමට මුලපුරා ඇත. එමෙන්ම මෙයට 4 kg බරක් වුවත් රැගෙන 20km පමණ පරාසයක ස්ව්‍යංක්‍රීයව ක්‍රියාත්මක විය හැක. ඉතින් මෙහි නිර්මාණකරුවන්ගේ බලාපොරොත්තුව කඳු සහිත ප්‍රදදේශ, දූපත්, හුදෙකලා වූ ගම්මාන ලඟා වී තම සේවය ඉටු කිරීමට හැකි වන ලෙස මෙය දියුණු කිරීමටයි. එමෙන්ම යම් හදිසි අවස්ථාවක් උදා වුවහොත් එයටද සරිලන පරිදි තම තැපැල් සේවය ඉක්මන් කිරීමට පිටුවහලක් ව්අන බවත් ඔවුන් සදහන් කර සිටියහ.

මෙය සැබෑ ලෝකයේදි භාවිතා විය යුතු ආකාරෙයෙන්ම අත්හදාබලා ඇති අතර ස්ව්‍යංක්‍රීයම ගුවන්ගත වීම හා භූමිය වෙත් නැවත පැමිණීමත් සාර්ථකව සිදු කර තිබෙනවා. එමෙන්ම දකුණු ප්‍රංශයේ CEEMA නම් ප්‍රදේශයක් වෙත 2kg පාර්සලයක් 1.2km තරම් වන දුරකට යැවීමටද ඔවුන් සමත් විය. ලංකාවටත් මේ වැඩේ ආවම වෙන්නෙ පියුම් මාමට ගෙදර යන්නද? සමහරවිට එයාට මේවා පාලනය ගැන කටයුතු කරනන් ලැබෙයි, ඒත් ඉතින් මෙය ස්ව‍යංක්‍රීය එකක් නිසා වෙන වැඩක් බාර දෙන්න වෙයි එයාට.

5:35 AM by Unknown · 3