Showing posts with label Electronics. Show all posts
Showing posts with label Electronics. Show all posts

විදුලිය, විදුලිබල මණ්ඩලය, විදුලි උපකරණ හා මේ සියල්ලෙහිම ක්‍රියාකාරිත්වය



ඔන්න යාලුවනේ අද ඔයාලගෙ දැනුමට ගොඩක් වටින ලිපියක් අරන් ආවා, කියවන්නත් කම්මැලි නිසා මේ සිංහලෙන්ම තියෙන මේ Video දෙක බලන්න. ලංකා විදුලි බලමණ්ඩලයන් නිපදවන විදුලිය නිවසට පැමිණෙන තෙක් සිදුවන ක්‍රියාවලිය වගේම ගෘහස්ථ විදුලි මාර්ගය, විදුලි උපකරණ හා බොහොමයක් තොරතුරු මෙමඟින් දනගත් හැක. දෙවෙනි කොටස මෙන්න.

10:35 AM by Sadeepa Ravishan · 2

Batapola / Geeco TV Antena අපිම හදාගමු



සුපිරියට TV බලන්න රු. 1500/- ක් පමණ වන බටපොලා ඇන්ටනාව රු. 250/- ක පමණ මුදලක සාදාගැනීමට හැකිනම් එය කෙතරම් වටිනවාද? එහෙනම් අද ලිපියෙන් ඒ වටිනා පරිපථය ඔබවෙත ලබා දෙමි. පරිපථ සටහන අන්තර්ජාලය ඇසුරිණි.

මේ තියෙන්නෙ බල සැපයුම් පරිපථය, TV එක අසලින් තබන කොටසේ ඇත්තේ මෙයයි. 220v to 12v Step Down පරිණාමකයක් භාවිතා කර අඑත. මෙහි කොයිලය 26 swg කම්බියකින් 3mm විශ්කම්භය සහිත වට 20ක එකකි.
එතකොට to Booster යන කොටසට සම්භන්ද වන ඇන්ටෙනා වයරය (76 ohm 5c වර්ගයේ එකක්) පහත පරිපථයට සම්බන්ධ වේ. මෙය තිබෙන්නේ ඇන්ටනාව අසලය.
මෙහි කොයිල් තුන 3mm විශ්කම්භය සහිතව වට 6 බැගින් සාදාගන්න. මෙයට විදුලිය ලැබෙන්නේ පළමු පරිපථය හරහාය.
Batapola ඇන්ටෙනාවේ තිබෙන පාට මාරුවන LED වෙළඳපොලෙන් ලබාගතහැක. එම LED එක 1K Resistor එකක් හරහා ඇන්ටෙනා වයරයට අමුනාගන්න. මෙමඟින් TV Signal සදහා අමතර වාසියක් ලැබෙන්නේ නැත, එය හුදෙක් අලංකාරයට පමණි.
UHF/VHF/FM ඇන්ටෙනාවක් සාදාගන්නා ආකරය පහතින් තිබේ. 

(මෙය ගුණතිලක මහතාගේ විශ්මිත ඉලෙක්ට්‍රොණික පරිපථ අංක 3 පොතෙන් ලබාගන්නා ලදි)
මෙම ඇන්ටෙනාවේ අංක 1,2 යන එලිමන්ට් සඳහා අඟල් 1/4 හෝ ඊට මදක් වැඩි විශ්කම්භය සහිත ඇලුමීනියම් බටවලින් අඩි හතරක් දිග කැබලි දෙකක් ගෙන පිතූරයේ තිබෙන ආකාරයට ඩයපෝල් කප් එකට සවිකරගන්න. මෙම බට දෙක ඉහළ කෙලවරවල් දෙක අතර පරතර අඟල් 50ක් විය යුතු අතර එය ඒ ආකාරයෙන්ම තබාගත යුතුය. එලිමන්ට් 3 හා 4 සඳහාද ඉහත විශ්කම්භය ඇති අඑලුමීනියම් බට වලින් අඩි 4ක කැබලි දෙකක් ගෙන කප් එකට සවි කරගන්න.

Lakshan Sanjaya යාලුවා හදපු බටපොලා ඇන්ටෙනාවෙ පිංතූර කිහිපයක් පහතින් තියෙනවා. එහි ඩයපෝල් එකෙහි දිග 1m පමණය.

11:01 PM by Sadeepa Ravishan · 5

Phone Charger එකක් වගේ එන මේ Hacking උපාංගයෙන් ප්‍රවේසම් වන්න


බලන්න ඔයත් මේ උපාංගයට ගොදුරු වෙලා ඉන්න කෙනෙක්ද කියලා. 10$ ක් වැනි මුදලකට නිපදවාගතහැකි මෙම උපාංගය Keysweeper නමින් හැඳින්වේ. මෙය පෙනුමෙන් ජංගම දුරකථන Charger එකක් වේ. මගෙත් මේකක්ම තමයි තියෙන්නෙ, එත් මේ උපාංගයෙ අභ්‍යන්තරයෙ තමයි අපේ Charger වල නැති Hacking කොටස් ටික තියෙන්නෙ. මෙය විදුලියට සම්බන්ධ කළ අවස්ථාවේ පටන් රහසිගත ලෙස Microsoft වයර් රහිත යතුරුපුවරු වලින් නිකුත් කරන දත්ත සෙවීමත් , Decrypt (ආරක්ශිත ලෙස සැඟවූ දත්ත කියවීම) හා ඒවා ගබඩා කිරීමත් සිදු කරනවා. එක් අතකින් ගත් විට මෙය Hardware Key logger එකක්.
මෙය ගබඩාකරගත් දත්ත GSM සිම්පතක් හරහා ඔත්තුකරුවා (Hacker) හට යැවීමට පටන් ගන්නවා.
අවශ්‍යනම් යතුරුපුවරුවෙන් විශේශ යමක් Type කරන විට එය ඔත්තුකරුවා වෙත යැවීමටත් මෙය සැකසිය හැක. සමහර විට එය Facebook.com වැනි එකක් හෝ හෝ ඔබේ බැංකු ගිණුමක වෙබ් අඩ්වියකට පිවිසෙන URL එකක් Type කරන අවස්ථාවේදී සිට ඔබේ මුරපදයත් Type කරන අවස්ථාව දක්වාද විය හැක. ඒ විතරද කුඩා USB Charger එකක් ව්අගෙ එන මේ ඔත්තු බලන උපාංගයේ අන්ත්‍ර්ගතකොට තිබෙන බැටරිය මඟින් එයට විදුලිය නොලැබෙන අවස්ථාවලඳිද ක්‍රියාත්මක වීමට පුළුවනි.
මේ විශ්මකර්ම ක්‍රියාව සිදුවන්නේ Arduino/Teensy microcontroller එක හා nRF24L01 මොඩියුලය හරහාය.
මෙයට ප්‍රතිචාර දක්වන Microsoft සමාගම පවසන්නේ මෙම උපාංගය වෙනත් යතුරුපුවරු වලින්ද දත්ත සොරාගන්න බවයි. 
කෙසේවෙතත් AES තාක්ශණයෙන් යුත් යතුරුපුවරු මෙයට ගොදුරු නොවන නිසා ඒවා භාවිතා කරන අයට ගැටලුවක් සිදු නොවන බවයි වාර්ථා වෙන්නේ.

7:03 AM by Sadeepa Ravishan · 1

ලොව වැඩිම කාලයක් දල්වා තැබූ බල්බය - නොකඩවා වසර 113ක්


යාලුවනේ ඔයාලා Light එකක් දැම්මොත් කොච්චර වෙලාවක් දල්වලා තියනවඩෙහ ඒක? දවසක්? සති කිහිපයක්? මාස කිහිපයක්? වසරක්? හැබැයි ඉතින් එහෙම කරන්නත් ඒක පිලිස්සෙන්නෙ නැතුව තියෙන්න ඕනනෙ. ඒත් කැලිෆෝනියාවෙ Livermore වල ගිනි නිවන මධ්‍යස්ථානයක තියෙන මේ බල්බය 1901 සිට ශතවර්ශයකටත් වඩා නොකඩවා දල්වලා තියෙනවා.
මෙය දැල්වූ දිනය ගැන නිවරදිව වාර්තා වෙලා නැතත්, මෙහි උපන්දිනය නම් සැමරෙන්නෙ ජුනි මස 18වෙනිදට. ඒ දවස තමයි ඉතින් මේක නොකඩවා දල්වන එකක් බවට සැක කරන්නෙ. ගෙවුනු වසර 113දී මෙම බල්බයට දෙපාරක්ම අකරතැබ්බ වලට මුහුණ දෙන්න වෙලා තියෙනවා විදුලි ඇණහිටීම් හේතුවෙන්. වරක් එය වෙනත් ගිනි නිවන මධ්‍යස්ථානයකට රැගනයන්න සිද්ධවෙලා තියෙනවා 1976දී හා 2013දී. වසර 38කට ඉහතදී කරපු මේ හුමාරුවත් ඉතා සූක්ශම විදියට කරලා තියෙන්නෙ, අඩුමගානෙ බල්බ් එක ගලවන්නෙවත් නැතුව, ඒක අමුණපු වයර් ටිකත් එක්කම ගිනි නිවන රථයකින් තමා ගෙනිහින් තියෙන්නෙ. වැඩේට ගිහින් තියෙන්නෙත් මිනිත්තු 22ක් පමණ කාලයක්.
මෙම තාපදීප්ත බල්බය හදලා තියෙන්නෙත් අතින්මයි, ඒ වගේම මේකෙ ෆිලමන්ට් (සූත්‍රිකාව)එකත් හදලා තියෙන්නෙ කාබන් වලින්.සාමාන්‍ය බල්බයක තිබෙන ෆිලමන්ටනෙකට වඩා අට ගුණයක් පමණ විශාල එකක් තිබීමත් විශේශතවයක්.මේක අර්ධ සන්නායකයක් නිසා තාපය වැඩිවෙද්දි සන්නයනය කරන විදුලියත් වැඩි වෙනවා, ඉතින් ඔය වගේ කතන්දර ටිකක් මේ සූත්‍රිකාව පිටිපස්සෙ හැංගිලා තියෙනවා.
කොහොම කොහොමහරි ඉතින් මේ වැඩේ නිසා ශතකයක් පුරාවට විද්‍යාත්මීන්ටවත් හිතාගන්න බැරිවෙන විදියෙ වැඩක් කරන්න මේ බල්බය සමත් වෙලා තියෙනවා.ඒ විතරක්ද ජීනියස් ලෝක වාර්තාවක් තියන්නත් මේකට හැකිවෙලා තියෙනවා.එමෙන්ම මෙය තිබෙන ස්ථානයේ බල්බයේ ආරක්ශාවට ඒ වෙතටම නාහිගතකරපු (Focus) කැමාරවක්ද සවි කරලා තියෙනවා.තවත් කියනවානම් මේකටම කියලා UPS එකකුත් තියෙනවා.

ෆිලමට් ආපු කාලෙන් පස්සෙ දැන් LED යුගයකට ඇවිල්ලා තියෙනවා, පහල තියෙන්නෙ මං LED එක්ක දාපු සෙල්ලම් දෙකක්, තව තියෙනවා මගෙ Channel එකේ.


1:42 AM by Sadeepa Ravishan · 1

රාත්‍රියට පමණක් ක්‍රියාත්මක වන ස්ව්‍යංක්‍රීය විදුලි බල්බයක් හදමු


මේ සරළ පරිපථය හදාගත්තොත් රෑ වෙද්දි Auto දැල්වෙන Light එක උදේට Auto නිවෙනවා. අඩු මුදලකින් ලොකු දෙයක් කරගන්න පුලුවන්නම් වටිනාකමක් තියෙනවානෙ.ඉතින් මේකත් ඒ වගේ වටිනා දෙයක්, ගොඩක්ම කම්මැලි අයට. අනික Light එක off කරන්න අමතක වෙන එකෙන් නාස්ති වෙන විදුලියත් ඉතුරුයි, ගමනක් ගියත් රෑට light වැඩ කරන නිසා සතුරු උවදුරු වලිනුත් බේරෙන්න ගොඩක් හොඳයි.
අපි සරළ පරිපථයේ සිට පටන් ගමු.
ඉහත පරිපථයේ ඇති LED බල්බය ක්‍රියාත්මක වෙන්නෙ රාත්‍රී වූ විට පමණයි, ඒ කියන්නෙ මේ LDR සංවේදකයට ලැබෙන ආලෝකය අඩු වූ විට පරිපථය ක්‍රියාත්මක වෙනවා. අපිට ගෙදර විදුලි පහණක් ක්‍රියාත්මක කරවන්න ඕනෙ නම්, ඔය 330ohm resistor එකයි LED එකයි ඉවත් කරලා ඒ වෙනුවට Relay එකක් සම්බන්ද කරගන්න.
පහත තියෙන්නෙ ඒ විදියට හදපු පරිපථයක්, මේකෙ සංවේදීතාව වැඩි කරන්න අමතර Transistor එකකුත් භාවිතා වෙලා තියෙනවා.
Photo-resistor කියන්නෙත් LDR එකටමයි.
ඔය Realy, power pack එහෙම දාන එක කරදරයි නේද? එහෙනම් ප්‍රධාන විදුලි මර්ගය හරහා වැඩ කරන පරිපථයක් හදමු.
හැබැයි මේකට විදුලිය සම්බන්ධ කරලා තියෙද්දි පරිපථයෙ කිසිම උපාංගයක් අල්ලන්න එපා, විදුලි සැර වදින්න ඉඩ තිබෙනවා.

ඇයි රෑට විතරද, දවල්ට විතරක් වැඩ කරන්නත් මේක හදන්න පුලුවන්. බලන්න පහත පරිපථය.
LDR ඔයිට වඩා වැඩ දාන්න පුලුවන් Arduino එකත් එක්ක, ඒ ගැන දැනගන්න මෙතනින් arduinotutes.blogspot.com

9:09 PM by Sadeepa Ravishan · 13

Sub එකේ Setup එකේ Beat එකට නටන LED හදමු


මෙන්න යාලුවනේ ඔයාලට අත්හදා බලන්න සුපිරි නිර්මාණයක්.හරිම ලේසියි. මේ වැඩේට ඕනෙ කරන්නෙ Amp එකක් එක්ක තියෙන Speaker System එකක්. Computer එකට එන Speakers වගේ.නැත්නම් Sub-woofer හෝ Setup එකක්. තව LED කිහිපයක්.
දැන් මොකද කරන්නෙ? ඔය Sound system එකේ එක් එක් Speaker එකට යන වයර් දෙකක් තියෙනවා නේද? අන්න ඒ වයර් දෙකකට LED එකක් අමුනලා ඕකෙන් සින්දුවක් Play කරලා බලන්න. LED දැල්වෙන්නෙ නැත්නම් Volume වැඩි කරලා බලන්න. නියමයි නේද? Beat එකට LED දැල්වෙන්නෙ. හැබැයි පොඩි අවුලක් තියෙනවා, Sub woofer , Setup කියන්නෙ ලොකු ප්‍රතිදාන බලයක් දෙන Amp තියෙන උපාංග නිසා ඒවගෙ Output එකෙන් එන විදුලියෙන් LED ප්‍රවේසම් කරගන්න LED එකේ එක pin එකක් Amp එකෙන් එන එක වයර් එකකට අමුනන්න.අනිත් එකට Resistor එකක් අරගෙන ඒකෙ එක පැත්තක් අමුනන්න, Resistor එකේ අනිත් පැත්ත ඉතුරු වයර් එකට අමුනන්න.Amp එකේ watt ගාන වැඩි වෙනවානම් Resistor එකේ ohms ගාන වැඩි වෙන්න ඕනෙ. Subwoofer එකකට නම් 470ohm - 1k පමණ. Setup වලටනම් 1K - 5k පමණ භාවිතා කරන්න. පරිගණකයේ Speakers එතරම් බලවත් නැති බැවින් Resistors අවශ්‍ය නැත.
පහත තියෙන්නෙ මම අතහදා බලපු එකක්.
පහල තියෙනවා ටිකක් දියුණු කරපු එකක්.බ්ලොග් එකේ Electronics වල තියෙනවා ඒක හදපු හැටි.

6:52 AM by Sadeepa Ravishan · 9

Arduino Programming මුල සිට සරළව


Arduino කියන්නෙ LED එකක් දල්වන තැන සිට රොබෝ කෙනෙක් හෝ ඊටත් වඩා සංකීර්ණ නිර්මාණයක් කිරීමට හැකි කුඩා පරිපථයකි. ඉතින් ඉලෙක්ට්‍රොනික තාක්ශණය, රොබෝටික්ස් වලට එහෙම කැමති අයට මේක වටිනා අවස්ථාවක්. Programming කිව්වට මෙතනදි සරළ Keywords ගණනාවක් 32KB(වර්ගය අනුව මෙය වෙනස් වේ) මතකයක ලියලා තමයි හැම්දේම කරන්න තියෙන්නෙ.

WHAT IS ARDUINO?

Arduino is an open-source electronics platform based on easy-to-use hardware and software. It's intended for anyone making interactive projects.
 ARDUINO යනු? 
Arduino යනු නිදහස් මෘදුකාංග මත පදනම් වූ ඉලෙක්ට්‍රොනික වේදිකාවකි.මෙය පහසුවෙන් භාවිතා කළ හැකි මෘදුකාංග හා දෘඩාංග අඩංගු මත පදනම් වේ. ඕනෑම කෙනෙකුට කැමති අකාරයෙන් ව්‍යාපෘති කිරීමට සෑදූවකි.
 එතකොට ඔය Arduino කියන්නෙත් අර PIC කියන Program කරන්න පුළුවන් IC එකක්ද?
බැලූ බැල්මටම පේනවානෙ යාලුවනේ මෙතන IC එකකට වඩා යමක් තියෙනවා කියලා. PIC කියන්නෙ Microcontroller එකක් විතරයි.ඒත් Arduino කියන්නෙ prototyping platform එකක්. ඉතින් Arduino එකේ Microcontroller එකක් වගේම බල සැපයුමක් (Power Supply) හා පරිගණකය සමඟ USB හරහා සම්බන්ධවීමට USB-Serial පරිවර්ථකයක්ද අන්තර්ගත වෙලා තියෙනවා.ඉතින් USB එකෙන් Arduino එකට Code එක දාලා USB නැතුව වෙනම භාවිතා කරන්න.

http://www.arduino.cc/ තවත් තොරතුරු අවශ්‍ය නම් වෙබ් අඩවියෙ තියෙනවා. ඒ වගේම වෙළඳපොලේ විවිධ වර්ගයේ Arduino Board තියෙනවා. කොහොම වුනත් අලුතෙන්ම මේ වැඩේ කරන්න යන කෙනෙක්ට වඩාත් සුදුසුම හා ලබදායිම Board එක තමයි Arduino UNO කියන්නෙ.

එතකොට ඔය Board එක ගන්න තියෙන්නෙ කොහෙද?
ලංකාවෙ නම් මේවා ගන්න තියෙන ස්ථාන අඩුයි.බ්ලොග් පාරාදීසය කියන බ්ලොග් එකේ දාලා තිබ්බා රු.1550/-ට කොටුව පලවෙනි හරස් විදියේ පිහිටි යුනිටෙක් කියන වෙළඳ ආයතනයෙන් ලබා ගන්න පුළුවන් කියලා.කෙසේ නමුත් පහතින් ලබා දෙන වෙබ් අඩවි හරහා මෙය ඔබේ නිවසටම ගෙන්වාගන්න පුළුවන්.
ලංකාවෙ වෙබ් අඩවි - www.lankatronics.com/lakduino.html
http://shop.techkatha.com/
http://shop.techkatha.com/product/techduino-v1-fully-assambled-usb/
ඒ වගේම http://www.ebay.com/ හරහාද ඔබට මෙය මිළදීගත හැකියි.
2014 Dec. 1වනදා Ebay වලින් Order කරපු මේ Board එක http://www.ebay.com/itm/281399903526 අද තමයි මගෙ අතට ලැබුණෙ.
දැන් නම් ඔය වගේ China board 5$ සිට ඉහළට තියෙනවා. හොඳම එකක් නම් 20$ පමණ වෙනවා.
E-bay ගැන දන්නෙ නැත්නම් මෙන්න ඒ ගැන සම්පූර්ණ විස්තරයක් - http://softpedialk.blogspot.com/2013/10/ebay.html

Arduino වල තියෙන Programming Language එක ගැන කිව්වොත්?
මෙහිදී භාවිතා වන්නේ C Language එකට සමාන භාශාවකි. නමුත් අපිට මේ ආකාරයෙන් Program කරපු Arduino එක VB, C# වගේ Program එකක් සමඟද සම්බන්ද කරන්න පුලුවන්.
Arduino එකෙන් පාලනය වන කුඩා Robot කෙනෙක්
Arduino එකෙන් පාලනය වන Quadcoptor එකක්
Arduino සමඟ LCD
ඔය Board එකෙන් පුලුවන්ද රොබෝ කෙනෙක්ව හදන්න?
ඔව් ඒත් Board එක විතරක් තිබුණට මදි, මොකද අපි කරන්න යන නිර්මාණයෙදි විවිධ ආදාන හා ප්‍රතිදාන (Input/output) ලබාදෙන්න සිද්ධ වෙනවා. ඉතින් මේ Board එකට සම්බන්ධ කරන විවිධ Sensors එහෙම තියෙනවා.
උදා:- උශ්ණත්වයට අනුව ක්‍රියාකරන පරිපථයක් සාදන්නේ නම් උශ්ණත්ව සංවේදකයක් අවශ්‍ය වෙනවා.
යමක් Display කිරීමට් අවශ්‍යනම් කුඩා LCD එකක් අවශ්‍ය වෙනවා.
අන්තර්ජලය හරහා යමක් පාලනය කරනවානම් Ethernet Shield එකක් අවශ්‍ය වෙනවා.
දුර මැනීමක් කරන්න වෙනවානම් Ultrasonic Sensor එකක් ගන්න පුළුවන්.
මම පළවෙනි Code එක සාර්ථකව Arduino එක හරහා අත්හදා බැලුවා.
ඉදිරි ළිපි වලදි Sensors ගැන වැඩි විස්තර කියන්නම්.ඉදිරියට arduinotutes.blogspot.com හරහා මෙම පාඩම් මාලාව ලබා දෙන්නෙමි.

2:42 AM by Sadeepa Ravishan · 6

Hydrogen කෝශයක් හදමු - විදුලිය ලබාගමු


ඉන්ධන නැතුව වතුරෙන් වැඩ කරන Car එහෙම හදන්න කැමති යාලුවො ඇතිනෙ, ඉතින් අදත් හිතුවා ඔයාලට සරළ නිර්මාණයක් ගැන කියන්න. අපිට Hydrogen කෝශයක් මඟින් විදුලිය ගබඩා කරන්නත් නැවත භාවිතයට ගන්නත් පුලුවන්. අද ලිපියෙන් කියන්නෙ සරළ Hydrogen කෝශයක් හදන හැටි.
මේ වැඩේ කරන්න අපිට අවශ්‍ය වෙනවා

  • ප්ලැටිනම් ආලේපිත හෝ ප්ලැටිනම් වලින් සෑදූ වයරයක්.
  • වයර් (Circuit වයර්)
  • ප්ලාස්ටික් හෝ ලී පටියක්. (කුඩා රූලක් සුදුසුයි)
  • 9v බැටරියක් හෝ ඊට ආසන්න වෝල්ටීයතාවයක් ලබගතහැකි Power pack එකක්.
  • ඇලවුම් පටි (ගම් ටේප්)
  • වතුර වීදුරුවක්.
  • වෝල්ට් මිටරයක්. (වෝල්ටීයතාවය මැනීමට සැකසූ මල්ටි මීටරයක් වුවත් සුදුසුයි)
හරි එහෙනම් මුලින්ම කරන්න තියෙන්නෙ ප්ලැටිනම් වයරයෙන් දඟර දෙකක් සාදාගැනීමයි. ඉතින් අපිට පුළුවන් වෝල්ට්මීටරයේ ඇති ලෙඩ් එකකින් හෝ ඇණයක් වැනි දෙයක් වටා වයරය ඔතා දඟරය සාදාගැනීම.
ඊළඟට තියෙන්නෙ, මේ දඟර දෙකට වයර් අමුණාගැනීමයි, එක් දඟරයකට වයර් දෙක බැගින් සම්බන්දවිය යුතුයි.
ඉතින් ඒ දෙක නොසෙල්වී තිබෙන්න අර ලී පටියෙ අලවාගන්න ගම් ටේප් වලින්.
එහෙනම් වතුර වීදුරුවට ප්ලැටිනම් දඟර දෙක ඇතුල් කරන්න.
දැන් අපේ Hydrogen කෝශය හදලා ඉවරයි. දැන් තියෙන්නෙ මේකට විදුලිය ලබා දීලා එය Hydrogen හා Oxygen ලෙස ගබඩා කරන්න.
දඟර දෙකට බැටරියෙන් විදුලිය ලබාදෙන අතර අනෙක් වයර් දෙක වෝල්ට්මීටරයට සම්බන්දකර ඒ අවස්ථාවේ පව්තින විදුලිය මැනගන්න.
දැන් බැටරිය ඉවත් කරන්න, ඔබට බලාගන්න පුලුවන් Hydrogen කෝශයේ ගබඩා වෙලා තියෙන විදුලිය.
එහෙනම් අද නිර්මාණය ඉවරයි.


මේ තියෙන්නෙ Hydrogen කෝශයකින් බලගැන්වුණු සෙල්ලම් car එකක්.
 ඔයාලගෙ අදහස් තියෙනවානම් ලියලා යන්න, ලැබෙන ප්‍රතිචාර අනුව නිවසේදී සාදාගත හැකි බැටරි හා Hydrogen බෝම්බය හදන හැටි  එහෙම කියන්නම්.

9:09 PM by Sadeepa Ravishan · 5

Laser වලින් හොරු අල්ලමු


චිත්‍රපටවල එහෙම තියෙන Laser ආරක්ශක පද්ධති දැකලා තියෙනවානෙ හැමෝම, එහෙනම් ඉතින් තවත් නිර්මාණයක් කරන්න තමයි අවස්ථාව. යාලුවො ඉතින් කිව්වා වගේම Comments එහෙම දාලා තිබ්බා එහෙනම් කෙලින්ම යමු මාතෘකවට.
Laser එක්ක වැඩකරද්දි Laser කිරණ වලින් ඔබේ ඇස් ප්‍රවේශම් කරගන්න. අධික ලෙස Laser කිරණ සම මතට වැටීමත හානිදායකයි.
 බලන්නකො පහළ තියෙන උපකරණය, කලින් Laser නිර්මාණයෙදි අපි භාවිතා කළා Laser එකක් වගේම LDR එකක්.

 පහළ තියෙන්නෙ LDR එකක්. හැබැයි මේක පැන්සල් හිසක් තරම් පුංචි උපකරණයක්. Digital ඇසක් වගේ. මේකට ආලෝකය වැටුණම වෙන්නෙ LDR එකේ ප්‍රතිරෝධීතාව අඩු වෙන එක. ඉතින් ඒ සිද්ධාන්තය භාවිතා කරලා තමයි මේ ආරක්ශක පද්ධතිය හදන්නෙ.
අපි හදන පරිපථ වල Laser එකේ ආලෝකය හැම විටම මේ LDR එකට වැටෙන්න සලස්වනවා, ඒ ආලෝකය හරහා යම් බාදකයක් ගමන් කළොත් පරිපථය විසින් එය හඳුනාගන්නවා.
 ඉතින් අපිට ආරක්ශාකරන්න ඕනේ උපකරණය වටා තළ දර්පණ (කණ්නාඩි) වලින් මේ Laser ආලෝකය පරාවර්තනය කරගෙන වැඩේ කරගන්න පුලුවන්. බලන්න පහත පින්තූරය.

පහල තියෙන්නෙ සරළ නිර්මාණයක්.
දැක්කා නේද LDR එකට වැටෙන Laser ආලෝකයට බාදාවක් ආපු ගමන් LED එකක් දැල්වෙලා අපිට ඒ බව දැනුම්දෙනවා.අපිට මේකෙ 150 K ප්‍රතිරෝදකය ඉවත් කර ඒ වෙනුවට 100k VR එකක් (33k හෝ ඊට මද වශයෙන් අඩු ප්‍රතිරෝදකයක් සමඟ ශ්‍රේණිගතව එකතුකළහොත් Transistor එකට සිදුවන හානිය අවම කරගතහැක)  සම්බන්ධකොට මෙහි සංවේදීතාව සීරුමාරු කරගත හැක. BC 547 හොයාගන්න නැත්නම් 2N2222 / C828 / D400 වගේ එකක් භාවිතා කරන්න.
මේ තියෙන්නෙ Breadboard එකක ඉහත පරිපථය සාදා ඇති ආකාරයයි.
ඔයාලට මේකෙ LED එක වෙනුවට Relay එකක්, Music Circuit එකක් වගේ භාවිතා කරන්න් පුලුවන්. Relay එකක් භාවිතා කරලා ඒ හරහා වෙනත් විදුලි උපකරණයක් වුවත් ක්‍රියාත්මක කරවන්න පුළුවන්.

ඉහත පරිපථයෙ පොඩි අවුලක් තියෙනවා, මොකද ඒක වැඩ කරන්නෙ Laser ආලෝක ධාරාව හරහා බාදකයක් තිබ්බොත් විතරයි, ඉතින් නැවත ආලෝකය ගමන් කරනවිට පරිපථය මුල් තත්වයට පත් වෙනවා. අපිට හොරු අල්ලන පරිපථයක් නම් එය හරහා කිසිවෙකු ගමන් කළ විගස නොනැවතී ක්‍රියාත්මක වන පරිපථයක් අවශ්‍ය වෙනවා. ඉතින් පහතින් තියෙන්නෙ අපි කවුරුත් දන්න 555 chip එකෙන් හදපු Circuit එකක්.
යාලුවන්ගෙ ප්‍රතිචාර අනුව ඊළඟ LDR Circuit එකත් අරන් එනවා, රාත්‍රියට පමණක් ක්‍රියාත්මක වන පරිපථය.

7:45 AM by Sadeepa Ravishan · 5

Link එක Click කළ පසුව විවෘත වන වෙබ් පිටුවෙහි දැන්වීමක් වෙතඔත් එහි උඩ දකුණු කෙළවර තිබෙන Skip Ad බොත්තම ඔබන්න.

මෙහි පළ වන ලිපි sms මඟින් නොමිලේ ලබාගැනීමට
Follow sadeepamax
ලෙස type කර 40404 ට sms කරන්න. මෙය නොමිලේ සිදුවන සේවාවකි.

මෙම බ්ලොග් අඩවියෙහි කිසිඳු ලිපියක් උපුටා ගැනීම තහනම් වන අතර එසේ සිදු කරන අයගේ වෙබ් / බ්ලොග් අඩවි ගූගල් සමාගමේ "Blogger Copyright Infringement" යටතේ නීතිමය පියවර මත අන්තර්ජාලයෙන් ඉවත් කෙරේ.
Powered by Blogger.