Processor එක පරිගණක මතකය සමඟ ගනුදෙනු කරන්නේ කෙසේද?

පරිගණක මතකය කිව්වම ගොඩ දෙනෙකුට මතක් වෙන්නෙ පරිගණක දෘඩ තැටිය නොහොත් Hard Disk Drive එක, ඔව් ඒකත් එක්තරා මතකයක්. නමුත් පරිගණයකේ ප්‍රධාන මතකය වෙන්නෙ Hard එක නම් නෙවේ, RAM (Random Access Memory) එක. ඔයාලා දන්නවත් ඇති RAM එකේ මතක ධාරිතාව වැඩි උනාම පරිගණකය වේගවත් වෙන කතාව. ඔව් ඒක ඇත්ත, නමුත් පරිගණක වේගය බලන්නෙ Processor එකෙන්නෙ? හරි ඔය ගැටලුවට පිළිතුරක් ලැබෙයි මේ ලිපිය කියෙව්වම. යාලුවනේ Processor එක කියන්නෙ තත්පරයත් මිලියනයකට බෙදාගෙන පරිගණක වැඩසටහන් පාලනය කරන උපාංගයක්.

CPU කියන්නෙත් Processor එකට, මේ කොටසින් තමා පරිගණකයේ සියලුම උපාංග පාලනය වෙන්නෙ. ගොඩක් අය CPU කියලා කියන්නෙ System Unit එක, ඒක වැරදියි.මොකද ඔය System Unit එක ඇතුලෙ තමයි CPU, Motherboard, Hard Disk Drive, CD-ROM Drive එහෙම තියෙන්නෙ. හරි මේ වගේ වේගෙකින් වැඩ කරන උපාංගයකට අවශ්‍ය දත්ත ලබා ගැනීමට සිදුවන්නේ HDD (Hard Disk Drive) එකෙන්. ඒත් HDD එක ඔය CPU(Processor) එක තරම් වේගවත් නැහැ. එහෙනම් කොහොමද HDD එකේ තියෙන දේවල් CPU එකට එන්නෙ? මෙහෙමයි, CPU එකයි HDD එකයි අතරට දානවා RAM කියන අතරමැදියව.

RAM එක කියන්නෙ HDD එකටත් වඩා වේගයෙන් දත්ත හුවමාරු කරන්න උදව් වෙන කෙනෙක්. ඉතින් RAM එක කරන්නෙ CPU එකට නිතර නිතර අවශ්‍ය වන දත්ත තාවකාලිකව ගබඩා කරගෙන ඉන්නවා අවශ්ය වෙනකොට දෙන්න. නැත්නම් CPU එකට කරදරයි HDD එකෙන් මන්දගමීව දත්ත ලබාගන්න. හරි අපි පොඩි උදාහරණයක් ගමු, හිතන්න අපි Media Player එකෙන් MP3 එකක් අහන්න යනවා කියලා කියලා, ඉතින් අපි අවශ්‍ය MP3 එක Play කරන්න කියලා විධානයක් ලබා දෙනවා පරිගණකයට, ඉතින් CPU එකෙන් Signal එකක් දෙනවා HDD එකට මුලින්ම Player එක RAM එකට අරගන්න, ඊළඟට MP3 එකත් RAM එකට ගන්න කියලා.මොකද උනේ? අර Player එකයි MP3 එකයි තාවකාලිකව RAM එකට Copy උනා, ඒක නිසා CPU එක දැන් පහසුවෙන් MP3 එක Play කරනවා.

තවත් කතාවක්, යාලුවො දන්නවානෙ අපි Word Document එකක් එක්ක වැඩ කර කර ඉද්දි ඒක Save නොකර පරිගණයක Off කරොත් අර Word Document ආපහු ගන්න බැරි වෙනවා, ඇයි ඒ? මොකද අපි එටෙක් වෙලා වැඩ කරපු Word Document එක තාවකාලිකව ගබඩා වෙලා තිබ්බෙ RAM එකේ, හරි අපි ඒක Save කරා නම්? එතකොට වෙන්නෙ RAM එකේ තිබ්බ Word Document එක HDD එකටත් Copy වෙන එක. Hard එකේ තියෙන දේවල් පරිගණකය Off කරත් ගබඩා වෙලා තියෙනවා ඒත් RAM එක තාවකාලික මතකයක් නිසා එයා දත්ත ගබඩා කාර්ගෙන ඉන්නෙ On වෙලා ඉන්නකන් විතරයි.

ඇත්තටම HDD එකේ දත්ත CPU එකට ගන්න RAM එකේ වේගයත් ප්‍රමාණවත්ද? එය යම් අවස්ථා වලදි මදි වෙනවා, ඉතින් මෙකට CPU එක ඇතුලෙත් පොඩි තාවකලික මතකයක් තියෙනවා :) , ඒකට කියන්නෙ Cache Memory කියලා, එතකොට RAM එකෙන් එන දත්ත Cache එක හරහා තමයි CPU එකට එන්නෙ.Cache එක RAM එක වඩා වේගවත් වගේම CPU එක දත්ත සැකසුම් කරන වේගයටත් සමීපයි, මේකෙත් කොටස් දෙකක් තියෙනවා L1 (32KB පමණ දත්ත ගබඩා කරගන්නවා), L2 (1MB පමණ) මේ දෙක තියෙන්නෙ CPU එක ඇතුලෙමයි. Cache එක තියෙන්නෙ CPU එකට නිතර නිතරම අවශ්‍ය වෙන දේවල් ගබඩා කරගන්න, නැත්නම් ඉතින් ආයෙ RAM එකේ හොය හොයා රස්තියාදු වෙන්නෙ වෙනවානෙ.

මේක එදිනෙදා ජීවිතයට අනුව ගන්නවානම්, අපි පන්තියෙදි නිතර නිතර අවශ්‍ය වෙන පෑන් පැන්සල් ලඟින්ම තියාගන්නවා, Cache එකේ වගේ, ඒ කාල පරිච්චේදයෙදි අවශ්‍ය නොවෙන පොත් ටික ‍පොත් මේසෙ වෙනම තියාගන්නවා RAM එකේදි වගේ.අනෙක් පොත් ආ දී දේවල් බෑග් එකේ තියන්වා නිකන් HDD එකේ වගේ අවශ්‍ය උනාම ආයෙත් ලබාගන්නවා ඉහත ආකාරයට.

ඉතින් යාලුවනේ HDD එකේ තියෙන දත්ත CPU එකත් එක්ක ගනුදෙනු කරද්දි අවශ්‍ය වන RAM කියන ප්‍රධාන මතයේ ධාරිතාව වැඩි වෙන තරමට පරිගණකය දත්ත සැකසුම් කරන වේගයත් වැඩි වෙනවා, ඒ කියන්නෙ අඩු වෙලාවකදි වැඩි දත්ත ප්‍රමාණයක් එක්ක ගනුදෙනු කරනවා. එතකොට මොකක්ද අර CPU වල Speed එක බලන GHz කතාව?

GHz කියන්නෙ Gega Hertz

1GHz = 1000MHz
1MHz = 1000KHz
1KHz = 1000Hz

1Hz එකක් කියන්නෙ තත්පරයකට Hertz එකක් බැගිනි. Hertz වලින් මනින්නෙ පරිගණකයේ Clock Speed (තත්පරයකට ඇති කරන චක්‍ර ගණන) එක.මේ චක්‍ර අනුව තමා පරිගණකයේ උපදෙස් අනුව දත්ත සැකසුම් කරන්නෙ මේකට තමයි CPU වල Speed එක කියන්නෙ. ඉතින් ලබා දෙන උපදෙස් අනුව වැඩ කරන්න ප්‍රමාණවත් වන දත්ත ඉතා කෙටි කාලයකින් ලැබෙනවා නම් පරිගණය වේගයෙන් වැඩ කරනවා. වැඩි RAM ධාරිතාවක් තියෙද්දි නිතර නිතර HDD එකට නොයා RAM එකට අවශ්‍ය දත්ත වැඩි ප්‍රමාණයක් ගබඩා කරගන්න පුලුවන්. යාලුවන්ගෙන් වැඩිය ප්‍රතිචර නැති නිසා ඉතින් ලිපියක්වත් ලියන්න හිතෙන්නෙ නෑ. ;)

10:03 PM by Unknown · 7

Intel සහ AMD අතර වෙනස

හරි මම සරල අවස්ථාවකින් පටන් ගන්නම්, අපි පරිගණකය on කිරීමෙන් අනතුරුව processor එක ක්‍රියාත්මක වන නිසා එය යම් උශ්ණත්වයක් ඇති කරනවා. Intel Processor එකක් නම් උපරිම 40' C පමණ උණුසුම් වන අතර AMD Processor ආරම්භයේදී 40' C පමණ වන අතර පසුව එය ඊටත් වඩා වැඩි උශ්ණත්වයකට පත් වේ. එනිසා AMD Processor වෙත උසස් තත්වයේ Cooling System එකක් තිබිය යුතුය.
ඔබ වැය කරන මුදලට සරිලන උසස් කාර්යක්ශමතාවක් ලබාගැනීමට නම් Intel සුදුසු වේ.  MSI GT72 Dominator Pro, Palicomp Hydro-780 / Dell's monster Precision T7610 වැනි උසස් පරිගණක පද්ධති වල අන්තර්ගත් වී ඇත්තේ Intel ය. (Intel Inside) .
නමුත් මේ processor දෙකෙහි වෙනස ඔබට බලපාන්නේ ඔබ එය භාවිතා කරන කාර්ය අනුවයි. පරිගණක ක්‍රීඩා සඳහා , Overclock කිරීම සඳහා Multiple Cores භාවිතා වන පරිගණක වැඩසටහන් සඳහා මැනවින් උචිත ව්න Processor එකක් ලෙස AMD පෙන්වා දිය හැක.
Intel හී Hyper Threading නම් තාක්ශණ්යක් භාවිතා වේ. සරලව කිවහොත් Processor කිහිපයකින් කරන කාර්යක් එක් Processor එකකින් සිදු කිරීමයි. Multi Core යනු මීට සමාන නමුත් සැබැවින්ම එකකට වැඩි Processor ප්‍රමණයක් භාවිතා කරමින් ඉහත කාර්ය ඉටු කිරීමයි. ඉතින් මේ තාක්ශණ දෙකම එකතු කළොත්? ඔව් Intel විසින් එය සිදු කර ඇත. Core i7 Processor එකෙහි Cores 4ක් භාවිතා කරන අතර එය threads 8ක් එකවර ධාවන කිරීමට සමත් වේ.

Intel සහ AMD අතර වෙනස පැහැදිලිව බලන්න පහත videos වලින්.

6:32 AM by Unknown · 2

Laptop Battery එක වැඩි කාලයක් භාවිතා කරන්න

Laptop තියෙන අයට ඉතින් ඒකෙ Battery එක පරෙස්සම් කරගෙන එය වැඩි කාලයක් භාවිතා කරන එක වැදගත් දෙයක්. ඉතින් පහත උපදෙස් ටික අනුගමනය කරලා බලන්න වැඩේ සාර්ථක වෙයි.

1. සතියකට වතාවක්වත් Hard Disk එක Defrag කරන්න.(Battery එකෙන් Laptop එක වැඩ කරන වෙලාවට නෙවේ) එවිට Hard Disk එක වේගයෙන් වැඩ කරාවි.එවිට Hard එක මඟින් battery එකට සිදුවන බලපෑම අඩු වේ.
2. Screen එකේ Brightness එක හැකිතාක් අඩු කරන්න. මෙය keyboard එකේ fn key එක ඔබාගෙන Brightness එක අඩු කරන button එක ඔබන්න.
3. Background එකේ අවම Programs ප්‍රමාණයක් තබාගන්න. එවිට Processor / RAM සඳහා අඩු වෙහෙසකින් වැඩ කළ හැක.
4. බාහිරව සම්භන්ද කර ඇති උපාංග විසංධි කරන්න. Dongle , Mouse , Keyboard වගේ දේවල්. අවශ්‍යනම් පමණක් මේවා භාවිතා කරන්න.
5. RAM එකෙහි ධාරිතාව වැඩි කරන්න. (අවම වශයෙන් 2GBවත් තිබේනම් හොඳය) එවිට Virtual Memory භාවිතා කිරීම අවම වන නිසා Hard Disk එක අවම වශයෙන් භාවිතා වේ.
6. CD/DVD Rom Drives භාවිතය අවම කරන්න. එක් Drive එකක් තිබීම සෑහේ. මේවාට Hard Drive එකටත් වඩා විදුලිය වැය වේ. නිතරම භාවිතා කරන CD වල Backup එකක් පරිගණකයේ තබා ගැනීම වඩා උචිතය.
7. Battery එක භාවිතයෙන් තොරව තබන්න එපා, අවම වශයෙන් සති 2කට වරක්වත් එය භාවිතා විය යුතුය.
8. මාසයකට වරක් Laptop Battery එක සම්පූර්ණ වශයෙන් discharge  වන තුරු භාවිතා කරන්න.කෙසේවෙතත් Li-On battery සම්පූර්ණයෙන්ම discharge වන තුරු භාවිතා කිරීම සුදුසු නැත.
9. Standby කිරීමෙන් වැළකී Hibernate කරන්න. එවිට පරිගණකය සම්පූර්ණයෙන්ම ක්‍රියා විරහිත වේ.
10. හැකි උපරිම වශයෙන් Laptop එක උණුසුම් වීමෙන් වළක්වන්න. වායු ඇතුලුවන පිටවන කොටස් වැසෙන ලෙස භාවිතා කරන්න එපා. නිවැරදිව සිසිල් වූ Laptop එක වේගවත්ව ක්‍රියාත්මක වේ.
11. Control Panel හී Power Option මඟින් Maximum Battery ලෙස සකසන්න.
12. Multitask කිරීමෙන් වළකින්න. උදා : - එකවර අන්තර්ජාලය භවිතා කරමින් විට සංගීතයට සවන් දෙමින් Virus Scan කරමින් තවත් Application භාවිතා කරමින් සිටීම Multitask තත්වය බරපතල කරන අතර මෙය Battery එකත් ඉක්මනින් ක්ශය වීමට බලපායි.
13. සරල වැඩසටහන් භාවිතා කරන්න,නිතරම සංකීර්ණ කටයුතු වලට යොමු වන්න එපා.උදා : - MS Word වැනි වැඩසටහනකට් වඩා පරිගණක ක්‍රීඩාවකට වැඩි විදුලි නාස්තියක් සිදු වේ.
14. කාර්‍යක්ශමතාවයෙන් උසස් Laptop එකක් භාවිතා කරන්න. අඩු කාලයකින් ඔබේ කටයුතු කරගැනීමේදී අඩු ඉතිරිවන Battery Charge එක වෙනත් අවස්ථාවකදී යොදාගත හැක.
15. Memory Effect එක වළකන්න. මෙය බොහෝවිට බලපාන්නේ පරණ Laptops වලටය. Battery එක Full Charge කිරීමත් සතියකට වරක් එය සම්පූර්ණයෙන්ම discharge කිරීම වැදගත්ය.
16. Graphic Use එක අඩු කරන්න. Desktop එකේ right Click කර හෝ Control Panel මඟින් හෝ Task bar එකේ Notification area එකෙහි ඇති Graphic settings මඟින් මෙය සිදු කරන්න.

7:16 AM by Unknown · 0

Single Core සහ Multi Core Processor ගැන දැනගනිමු

එහෙනම් යාලුවනේ අද අරන් ආවෙ ගොඩ දෙනෙක් දන්නෙ නැති දෙයක් ගැන ලිපියක්.

ඔයාලා පාවිච්චි කරන processor එක Single Core ද? නැත්නම් Multi Core ද?

හරි දන්නෙ නැත්නම් මේ ලිපිය කියවලම බලන්න.

Single Core සහ Multi Core Processor වල වෙනස කුමක්ද?

ඇත්තටම මේ Single Core processor විදියට ආවෙ Dual Core වගේ processor වලට කලින් ආව Processor. Core කියන්නෙ මදයට, Processor වල එක Core එකක් ආපු එව්වට උදාහරණ විදියට, Pentium 2,Pentium 3,Pentium 4 හා ඊට කලින් ආපුවා ගන්න පුලුවන්. මේවා තියෙන්නෙ තනි Processor විදියට.

Pentium 4 යනු Single Core Processor එකකි

6:02 AM by Unknown · 0