නොමිළේ VPS පරිගණකයක් ලබාගන්න

නිකන් දෙනවානම් ඉතින් තව මොන කතාද, අද ළිපියෙන් ඔයාලට අරගෙන එන්නෙ VPS පරිගණකයක් නොමිළේ ලබාගන්න විදිය.
මුලින්ම බලමු VPS එකක් කියන්නෙ මොකක්ද කියලා, VPS නොහොත් Virtual Private Server එකක් කියන්නෙ අන්තර්ජාලයට සම්බන්ධ කරපු පරිගණයක්, මේක භාවිතා කරන්න නම් අපිට වෙනත් පරිගණකයක් හරහා එයට ඇතුල් වෙන්න සිද්ධ වෙනවා. හරියට Teamveawer මෘදුකාංගය වගේ. එහෙම ඇතුල් උනාට පස්සෙ අපිට පුලුවන් වෙනවා ඒ දුරස්ථ පරිගණකය අපිට ඕනෙ වැඩක් සඳහා භාවිතා කරන්න. අන්තර්ජාලයේ විවිධ මිළ ගණන් යටතේ වැඩි කාර්යක්ශමතාවක් සහිතව මේවා තිබෙන නමුත් ඉතා පහසුවෙන් හා නොමිළේම VPS එකක් ගන්න විදිය දැන් කියන්නම්. මුලින්ම යන්න මෙතනට.
Free VPS (Link එකට ගිහින් Skip Ad ඔබන්න)

ඊට පස්සෙ ලැබෙ Form එකට අදාල විස්තර දීලා Register ඔබන්න.
දැන් ඔයා දුන්නු e-Mail එකට ගිහින් බලන්න මෙහෙම e-Mail එකක් ලැබිලා තියෙයි.

ඒකෙ තමා ඔයාගෙ VPS එක භාවිතා කරන්න අවශ්‍ය කරන Username හා Password එක තියෙන්නෙ.

දීලා තියෙන Link එකට ගිහින් ඔය Username හා Password හරහා Log වෙන්න.
ඊට පස්සෙ ලැබෙන පිටුවෙ Desktop කියන එක Download කරගන්න.

දැන් ඒ File එක open කරන්න.

ඉන්පසුව ලැබෙන Window එකේ Connect ඔබන්න.

දැන් තියෙන්නෙ ඔයාගෙ VPS එක අත්හදාබලන්න තමා.

5:33 AM by Unknown · 11

Windows 10 වල සිංහල වැඩ කරන්නෙ නැද්ද? මෙන්න විසඳුම

Windows 10 දාගත්තු යාලුවන්ට මතු වුන ගැටලුවක් තමා ඒකෙ සිංහල අකුරු පෙන්වන්නෙ නැති එක. ඉතින් අද ළිපියෙන් අරන් ආවෙ ඒ අවුල හදාගන්නෙ කොහොමද කියන එක. ලොකු වැඩක් නැහැ මෙන්න මේ Font එක Install කරලා පරිගණකය Restart කරන්න තියෙන්නෙ. එතකොට එලකිරි වගේ සිංහල වැඩ.
Download Font (Click Skip Ad)

Password : sadeepa01.blogspot.com

Font එක දාලා Restart කරාට පස්සෙ සිංහල වැඩ කරන්නෙ නැත්නම්

settings> time and language >Region and language > add a language > Sinhala > add 

හරහා එය ස්ථාපනය කරගන්න.
සිංහල නැති අය පහත කොටසින් බලාගන්න.

4:48 AM by Unknown · 9

මන්දගාමී පරිගණ වේගවත් කරන සූත්තරේ නොහොත් Defragment කිරීම

සුභ දවසක් යාලුවනේ අද ඔයාලට කියලා දෙන්න යන්නෙ පරිගණකයක් නිවැරදිව Defragment කරන්නෙ කොහොමද කියලා. මේ වැඩේ කරගන්න පුලුවන් මෘදුකාංග අන්තර්ජාලය හරහා වුවත් ලබාගන්න පුලුවන්, කෙසේවෙතත් Windows මෙහෙයුම් පද්ධතිය සහිත පරිගණක වල ලැබෙන Utility මෘදුකාංගයක් විදියට Disk Defragmenter එක භාවිතා කරන්න පුලුවන්. Defragment කරනවා කියලා අපි කරන්නෙ අපේ පරිගණකයෙ තිබෙන දත්ත ගබඩාව නොහොත් Hard Disk Drive එකේ ගබඩා වෙලා තියෙන ගොණු පිළිවෙළකට අසුරන එක, එතකොට පරිගණකයට අවශ්‍ය ගොණු ඉතා පහසුවෙන් සොයාගෙන වේගෙන් වැඩ කරන්න පුලුවන්, හරියට අවුල් වෙලා තියෙන කාමරයක් අස් කරනවා වගේ වැඩක්. පිටතින් අපිට ලස්සනට Folder සහ File පිළිවෙලින් තිබ්බත් ඇත්තටම Hard එකේ ඔව්වා ගබබා වෙන්නෙ එක එක තැන් වල, ඉතින් අපි Defragment කරාට පස්සෙ තමයි එව්වා අදාල තැනට යන්නෙ. ඒ වගේමයි Defragment කිරීම නිසා පරිගණකයේ තිබෙන Hard Disk Drive එකේ ඉඩකඩ අලුතෙන් එන ගොණු සමඟ පවතින ගොණු අසුරන්න හැඩගැසෙනවා.
හරි එහෙනම් පටන් ගමු වැඩේ. අපිට මේ ක්‍රමයෙන් පරිගණකයේ තිබෙන Hard Disk Drive එකේ Partition වෙන වෙනම Defragment කරගන්න පුලුවන්.

මුලින්ම යන්න Computer වලට.

අදාල Partition එක මත Right Click කර Properties වෙත යන්න.

එහි Tools නම් කොටසෙ තිබෙන Optimize and Defragment Drive හී Optimize වෙත යන්න.

දැන් එම Partition එක Click කර Analyze ඔබන්න, එය සම්පූර්ණ වූ පසු Optimize ඔබන්න.

ක්‍රියාවලිය සම්පූර්ණ වන තෙක් පරිගණකය Defragment වන්නට ඉඩ හරින්න.
පහතින් තියෙන්නෙ යාලුවනේ මේ වැඩේ කරගන්න පුලුවන් හොඳම මෘදුකාංග 4ක්

Defraggler (Free)

MyDefrag (Free)

Auslogics Disk Defrag (Free)

Smart Defrag (Free)

8:26 PM by Unknown · 3

කස්ටිය බලන් උන්නු Windows 10 නිළ සංස්කරණය ආවා

ඔන්න යාලුවනේ මේක නම් දෙන්නෙ 100%ක් නොමිළේ හොඳේ, තව මොන කතාද මෙතනින් ඇවිත් අරගන්න.
Download Windows 10
ඉහත Link එකෙන් පිවිසෙන ඔබට පිවිසිය හැකි වන Microsoft නිළ වෙබ් අඩවියෙහි Windows 10 Download Links දෙකක් 32 Bit හා 64 Bit ලෙස ඇති අතර ඔබගේ පරිගණකයට සුදුසු එක තෝරා එය ලබාගන්න.

Windows 10 මෙහෙයුම් පද්ධතිය ඉතා පහසු අතුරුමුහුණතක් සහිතව ඔබ වෙත එන අතර Windows 7 හී තිබූ Start menu එක සමඟ Windows 8 Start Menu එකද එකට අමුණා ඇති ආකාරය බලන්න.

This combines the strengths of Windows 8 with Windows 7

මෙය Windows 8 හී ශක්තිය Windows 7 සමඟ මුසු කරාවි

-Windows Insider

එන්න Live අත්හදා බලන්න වැඩේ -->> See it in action

ඇත්තටම එයාලා මුල් තැනක් දීලා තියෙනවා ලස්සන අතුරුමුහුණතක් සපයන්න.

එමෙන්ම Cortana

මෙය Windows මෙහෙයුම් පද්ධතිය විසිනි ප්‍රථම වතාවට හඳුන්වාදෙන යෙදවුම් සහයකයෙකි (virtual personal assistant) . මෙය Google Now සහ Apple උපාංග වල භාවිතා වන Siri යන virtual personal assistant App මෙන්ම ජනතාව අතරට එන අලුත් කෙනෙකි. මෙය කටහඬට අනුව ක්‍රියාත්මක වන අතර අන්තර්ජාලයද උපයෝගී කරගෙන ඇතිව ඔබට සහය දක්වයි.

MAIL, CALENDAR, PHOTOS, MAPS වැනි Microsoft සමාගම විසින් ලබා දෙන Apps පවා අලුත් වී ඇත.

CONTINUUM නමින් හඳුන්වන මෙම විශේශාංගය හරහා Tablet පරිගණක සඳහා Desktop පරිගණක වලට සීමා වූ අතුරුමුහුණත Tablet සඳහා හිතකර ලෙස හැඩගස්වා ඇත.

EDGE BROWSER නමින් හඳුන්වන ඔවුන්ගේ නවතම Web Browser එක සුපුරුදු Internet Explorer එක වෙනුවට ඉදිරිපත් කොට ඇත.

ACTION CENTER එක පහසුවෙන් භාවිතා කිරීමට පරිගණක තිරයේ දකුණුපසට එය රැගෙන තිබේ. Windows 8 එකේ Charms වගේ.

ඔබේ XBOX ක්‍රීඩා පරිගණකය වෙතට ගෙන ඒමට ඔවුන් විසින් XBOX Stream To PC විශේශාංගය හඳුන්වා දී ඇත.

HELLO නමින් ඔවුන්ගේ Lock Screen එකද අලුත් වී ඇත. පරණ විදියට Password කොටලා යන එක වෙනුවට පරිගණකය විසින් ඔබව හඳුනාගෙන එය භාවිතා කිරීමට ඉඩ දෙන්නකි.

11:27 AM by Unknown · 4

නිදහස් අධ්‍යාපනය තකා පාසලටත් Free Wi-fi?

ස්කෝලෙත් Free Wi-fi දුන්න නම් ආයෙ පැමිණීමේ ලේඛණ ලකුණු කර කර ඉන්න ඕනෙ නැහැ  නිවාඩු දවස් වලත් ළමයි ස්කෝලෙ එයි. A/L කරන අයට 80% නෙවේ 100% පැමිණීමත් තියෙයි. 

pacman emoticon

----------------------------

දැන් සමාජය මුලුමනින්ම වෙනස් වෙලා, නිදහස් අධ්‍යාපනය තිබ්බ නැති කාලෙ කවුරුත් Free wi-fi ඉල්ලුවෙ නැහැ (දැන් කියපං ඒ කාලෙ තිබ්බනම් ඉල්ලයි කියලා) අඩුමගානේ පෙළපොතක්වත් ඉල්ලගන්න බැරුව දුක් මහන්සිවුන අය හිටියෙ. සල්ලි එහෙම හොඳට තිබ්බ පවුල් වල වැඩමල් අයියලා අක්කලාගෙන් ඉල්ලගත්තු පොත් තමා අරන් ගියෙ. ගෙදර ආවට පස්සෙ පන්ති තිබ්බෙ නැහැ, පැයක් දෙකක් පොත් ටික බැලුවා ඊට පසෙ ළමයි ගෙදරත් නැහැ, ගෙවල්වලින් අවුලක් දාන්නෙත් නැහැ.. හවස්වරුවම සෙල්ලම් කරලා ආයෙ ගෙදර එනවා ළමයි. ආයෙ පට්ට ආතල් එකක් අරන් තියෙන්නෙ. සමාජ ජාල තිබ්බා, හැබැයි එව්වගෙ chat කරේ එකිනෙකා හමුවෙලා මුහුනට මුහුණ බලාගෙන කතා කරලා, multiplayer games තිබ්බෙ නැහැ හැබැයි එකතුවෙලා කරපු සෙල්ලම් තමා ඒ කාලෙ තිබ්බ multiplayer games... උඹලටත් තේරෙනවනෙ තත්වෙ. හරි හරි බං කණගාටුවෙන් වුනත් කියන්න වෙනවා ඔය ආතල් එක ලාවට හරි ගත්තු සැට් එකේ අවසාන පුරුක තමා අපි, අලුත් පරපුර ගැන කියන්න ඕනෙ නැහැ.. Digital සිරගෙවල් වල virual ආතල් හොයන පරපුරක් අනාගතේදි එයි. කොටින්ම කියනවානම් බිත්තියකට ඇණයක් ගහගන්න හැටි Youtube එකේ search කරලා ඒකට දෙනන් ඕනා බලය (force) එක Google එකෙන් search කරලා කෝණ සමබර කරලා ඇණේ ගහගනියි. මම අංශු මාත්‍රයකින්වත් කියන්නෙ නැහැ දියුණු තාක්ශණය භාවිතා කරන එක වැරදියි කියලා, ඒත් ඉතින් ඕනෙම දෙයක සීමාවක් තියෙන්නත් එපායෑ... හැමදාම Fried Rice කන එකාට ඒක ගාන්ක් නැති වුනාට ඕකේ රස උපරිමේටම විඳින්නෙ ඉඳලා හිටලා කන එකා නෙවැ.

5:38 AM by Unknown · 2

පරිගණක තාක්ශණයේ දත්ත ගබඩා කිරීම ගල් යුගයේ සිට වර්තමානය දක්වා

දත්ත ගබඩා කිරීම ආරම්භවන්නෙ Smart Phone එකට දාන චිප් එකෙන්වත් මැශිමෙ Hard එකෙන්වත් නෙවේ. මුලින්ම වැඩේට බැස්සෙ ගල් යුගගේ අය. එයාලට තිබ්බා පොඩි Database එකක්, Store වුනේ ගල් ගුහාවල, එයාලා දවසගානෙ කරපු දඩයම් මේ Database එකේ Save කරලා, ගල් වගේ දේවල් වලින් ඔය ගුහාවල බිත්ති හූරලා සත්තුන්ගෙ රූප ඇඳලා. ඉස්සර ඊජිප්තු වැසියො තමන්ගෙ වටිනා දත්ත සටහන් කළේ පිරමීඩ බිත්තිවල රූප ඇඳලා.මෙසපොතේමියන් ශිශ්ථාචාරයෙන් තමයි දත්ත ගබඩා කරන එක මැටි පුවරු වලට ආවෙ.ඒත් ඊජිප්තු වැසියන් ඉතින් පැපිරස් කොළවල ලියන්න ගත්තා. ඉන්දියාවෙ අශෝක රජතුමා අශෝක ස්ථම්භ වල (මතක හැටියට කියන්නෙ ගැටලු ඇති) තමන්ගෙ දත්ත ගබඩා කරා, අද මම මෙහෙම පූජාවක් කරා, අසවල් ප්‍රදේශයට ගියා... එතකොට අලුවිහාර සංගායනාවත් එක්ක තමයි අපිට පුස්කොලපොත්වල දත්ත ගබඩා කරන්න ගත්ත විදිය ගැන අසන්න ලැබෙන්නෙ, දන්නෙ නැති අයටයි කියන්නෙ වලගම්බා රජසමයේ මාතලේ අලුවිහාරෙදි පුස්කොලපොතකට ලියැවෙන්නෙ බුදු දහමෙ වැදගත්ම ග්‍රන්ථය වන තිපිටකය. ඉස්සර සිංහල වෙදමහත්වරු ලියපු වටිනා පුස්කොලපොත්, මේවා මිල කල නොහැකි දත්ත සමුදායන්, ඒත් සුද්දගෙ සල්ලි වෙනුවෙන් අපේ මුතුන් මිත්තො එව්වා රට පටවලා දැන් එයාල අපේ බෙහෙත් හදලා අපිට විකුනනවා.ඉතින් අපේම බෙහෙත් පිටරටින් ගෙන්වනවා ලොකු ලොකු ගනන් වලට. කොහොමින් කොහොමින් හරි ඉතින්, ඔය අතරවාරයේ චීනෙ අය කඩදාසි හදන්න ගන්නවා, එයාලාගෙ දත්ත ගබඩා කිරීමේ තාක්ශණය අදටත් භාවිතා වෙනවා, පොත් පත්තර විදියට. විවිධ අරමුණු තකා විවිධ ක්‍රම භාවිතාකොට දත්ත ගබඩා කිරීම මෙලෙසින් ආරම්භ වෙනවා.

පරිගණකය හදන්න මුල් වෙච්ච හේතු ගැන. ඉස්සර මචන්ලා ඒ කියන්නෙ ගොඩක්ම ඉස්සර මිනිස්සු ගොවිතැන් කළා, හරක් බලාගත්තා, මචන්ලා දැන් ලොකු ලොකු වාහන තියෙනවා වගේ තමයි ඉස්සර හරක් රෑනක අයිතිකාරයෙක් වෙනවා කියන්නෙත්. ඉතින් මේ ගොපල්ලු තමන්ගෙ හරක් පට්ටිය ආරක්ශා කරගන්නවා පණ වගේ, උදේට නිදහස් කරන හරක් ටික ආයෙ ගාලට ගන්නෙ හවස් වෙලා, ඒත් ඉතින් මේ මනුස්සයට ටික දවසකින් තේරෙන්න ගන්නවා සැට් එකේ හරක් එන්න එන්න අඩු වෙනවා කියලා. මොකද කරන්නෙ ඉතින් මෙයා අතේ තියෙන ඇඟිලි ගනන් කරලා හරක් ගාන හදාගන්නවා, හැබැයි ඉලක්කම් කියලා ජාතියක් නම් තිබ්බෙ නෑ. අපොයි ඒත් Data ටික Store කරන්න Memory මදි වෙනවා, ඇයි හත්දෙයියනේ අතේ තියෙන්නෙත් ඇඟිලි 10යි, ඒත් පට්ටියෙම ඉන්නවා අඩුම හරක් 30ක්වත්. මොකද කරන්නෙ? ආ ආවා Idea එකක් කියලා ගොපල්ලා එකතුකරගන්නවා පොඩි කෝටු කෑලි ටිකක්, මෙයා කරන්නෙ උදේ පට්ටිය ලෙහලා යන්න අරිද්දි එක ගොනෙක් පිට වෙද්දි එක කෝටුව ගානෙ ගොඩ ගහගන්නවා. ආයෙ හවසට මුන්ව ගාලට දාද්දි අර කෝට එක එක වෙන ගොඩකට ගහනවා එකාට එක ගානෙ, මෙතනදි එක කෝටුවක් හරි ඉතුරු වුනොත් ගොපල්ලට දැනගන්න ලැබෙනවා හරක් යවපු ගානම ඉන්නවාද නැත්නම් අඩුවෙලාද කියලා. ඔන්න ඔහොමයි වැඩේ පටන් ගන්නෙ.

ඔන්න ඉතින් මිනිස්සු ඉලක්කම් කියන එකත් හොයාගත්තලු, හැබැයි මචන්ලා සංඛ්‍යා හා ගණිතකර්ම අති ගත්තම් ඉන්දියාවෙත් පට්ට මීටර් ඉඳලා තියෙනවා. දශම සංඛ්‍යා , 0 එහෙමත් ආවෙ එයාලගෙන්නෙ ඔය ඉගෙනගන්නෙ වෙයිදික යුගය කියලා එකක්. හ්ම් එව්වා වැඩක් නෑ දැන් ගොපල්ලුන්ට විතරක් නෙවේ ව්‍යාපාර වැඩවලටත් වටිනා කියන ඉලක්කම් හොයාගත්තට පස්සෙ මෙව්වා එකතු කරන්න අඩු කරන්න වගේ වැඩ එක්ක කචල් යන්වා කස්ටියට, මොකද කරන්නෙ ලොව පළමු ගණක යන්ත්‍රය වන ඇබකසය (Abacus) හොයාගන්නවා (කි. පූ. 500 පමණ), පොඩි කාලෙ නම් මේකෙන් ගනන් හදලා ඇති නේද ඔයාලා? කොහොමින් කොහොමින් හරි මෙහෙම තමයි වැඩේ පටන් ගන්නෙ. ඔව් ඊළඟට කියන්න යන්නෙ නේපියර් ගැන තමා. මෙයා ඇත් දළ වල ඉලක්කම් ලියලා පොඩි උපකරණයක් හැදුවා ලගු ගණක වලින් ගනන් හදන්න. ඒක තමයි ඊළඟ පියවර.

මෙතනින් පස්සෙ තමයි අපි කවුරුත් දන්න Charlse Babbage මහතාගෙ පරිගණකය් නිපදවෙන්නෙ. එය වාශප එන්ජිමකින් ක්‍රියාකළ අතර Hard Disk එකක් නොතිබුණ එහි දත්ත ගබඩා වූයේ Punch Cards වලය. ඉන් පසුව චුම්භක පටි (Cassette tapes තියෙන්නෙ ඒවාම තමයි ඒත් ප්‍රමාණයෙන් විශාලයි) භාවිතා වුනා දත්ත ගබඩා කරන්න. ඉතින් මේ  චුම්භක පටි අවසානයේ  චුම්භක තැටි බවට පත් වෙලා තමයි Hard Disk හැදුනේ.

6:45 AM by Unknown · 3

අනාගතේ දවසක ලංකාවෙ එක් ගමක

අනාගතේ දවසක ලංකාවෙ එක් ගමක

" මැශින් Format කරනවා, OS දානවා, Virus Guard දානවා..... "
පාරෙ යන මිනිසෙක් හමු වූ ඔහු
"මහත්තයා මැශිමට Cleanup එකක් දාමුද?"
ඒ අතරෙ ලොකු ලොරියක් එයි,
"පරණ පෝන්, කොම්පියුටර් වලට දෙනවා අලුත් ටැබ් , අයි පෑඩ්..."
බස් රථයක
" ඔබේ දුවට පුතාට නංගිට මල්ලිට ගහන්න මෙන්න පට්ට Games ටිකක්, මේ එකක් කඩේ රු.. 50යි ඒත් මං 5ක්ම දෙනවා 50ට, දැන්ම ගන්න "
"මෙන්න ලංකාවෙ Free Wi-fi Zone තියෙන මැප් එක, මෙකෙ තියෙනවා ලංකාවෙ සෑම වයිෆයි හොට්ස්පොට් එකක් ගැනම තොරතුරු, මේ රතු පාටින් තියෙන්නෙ my3 වයිෆයි හොට්ස්පොට්, එතකොට..."
පාරෙ හට් එකක් ගහගෙන,
"මහත්තයා මේ මොබිටෙල් එකෙන් නොමිළේ දෙන Android phone එක ගන්නවද?"
දේවාලයක
"අනේ මහත්ත්යෝ මේ පළතුරු වට්ටියත් දේවාලෙ වෝල් එකේ පෝස්ට් කරලා මගෙ පෝන් එකේ ලොක් එක ඇරලා දෙන්න.."
පත්තර දැන්වීමක්
"ඔබේ Facebook ගිණුමට Like ලැබෙන්නේ අඩුවෙන්ද? Requests එනවා අඩුද? නිතරම බ්ලොක් වෙනවාද?..කෙල්ලන් Request එවන්නේ නැද්ද? හොඳම වශී Script අපෙන්..."
:p වෙන්න බැරිකමක් නෑ..

6:53 AM by Unknown · 2

Modem සහ Router ගැන දැනගමු

ගොඩක් යාලුවො මේ Modem සහ Router ගැන දන්නෙ නෑ, ඇත්තටම මේ තියෙන්නෙ වෙනස් උපාංග දෙකක් Router එක කියන්නෙ පරිගණක ජාල දෙකක් එකට සම්බන්ද ක්‍ර්න් උපාංගයට.

 උදා:- SLT එකෙන් ගෙදර පරිගණක ජාලය අන්තර්ජාලය නම් පරිගණක ජාලයට සම්බන්ද කරන්න ලබ දෙන Router එක.

හරි දැන් බල්මු MODEM එක ගැන.
කොහෙද මේ Modem එක තියෙන්නෙ?
ඔයාලා internet එන්න පවිච්චි කරන Dongle,SLT Router, Phone, Tab මේ සේරගෙම තියෙනවා ඔය Modem එක, මොකක්ද මේකෙන් වෙන්නෙ?
මේකයි සීන් එක ඔයාලා Internet එකට Upload කරන වචනයක් පාසා පින්තූරයක් පසා සමන්විතවෙලා තියෙන්නෙ දත්ත විදියට, මෙව්වා ඉතින් Internet එකට් යවන්න වෙන්නෙ Digital signal විදියට,නමුත් digital කියන්නෙ එතරම් ශක්තිමත් signal එකක් නෙවේ ඔයා ඉන්න තැන ඉඳන් Signal tower එකට යනකන් යන්න බෑ, ඉතින් මොකද කරන්නෙ මේක Analog signal එකක් කරනවා.මතකනෙ කලින් ලිපියකදිත් කිව්වා මෙහෙම කතවක්, ඔව් එතකොට මේ ප්‍රාණවත් Analog Signal එක පහසුවෙන් වැඩි දුරකට යනවා.

 මේකට කියන්නෙ Modulation කියලා. Upload කරාට ම්දි Download කරන්න ඕනේ, ඉතින් මොකද වෙන්නෙ Modem එකට එනවා Analog Signal ඒක Modem එක මඟින් නැවත Digital Signal කරන්වා මේකට කියන්නෙ Demodulation කියලා.
 ඉතින් ඔය MOdulation හා DEModulation කරන උපාංගයට තමා MODEM කිය්න්නෙ. SLT එකෙන් දෙනවා ව්ගේ අලුතෙන් එන Router වල Modem එකකුත් එනවා ඒ නිසා අපිට වෙනම Modem එකක් ගන්න අවශ්‍ය නෑ, ඉස්සර නම් Router එකයි Modem එකක් දෙකක්ම ගන්න වුනා.
අමතර දැනුමට,
Wi-Fi Router කියන්නෙ එතකොට?
Wi-fi Router එකේ විශේශත්වය තමා Router එකෙන් එන අන්තරජාල සබඳතාව වයර් රහිතව Wi-fi තරංග හරහා Laptop එකක් වැනි උපකරණයකට ලබාදෙන්න හැකියාවක් තියෙන Router+Modem එකකි.
මේ ගැන හොඳින් තේරුම්ගන්න කියවන්න මේ ලිපිය. Click here

7:02 AM by Unknown · 5

හන්තාන ලිනක්ස් - ලංකාවෙ හදපු Operating System එක

Hanthana Linux යනු ලංකාවෙ අයට විශේෂ මෙහෙයුම් පද්ධතියකි. මෙය Linux පදනම් කරගනිමින් Fedora සමමිශ්‍රණය කොට තනා ඇති අතර මෙය Desktop හා Laptops සදහ උචිත වේ.

 මෙය Live CD එකක් ලෙස ඔබ වෙතට පැමිණෙන නිසා Install නොකර සජීවීව Boot කර ඒ සමඟ වැඩ කළ හැක. එමඟින් මේ සමඟ ලැබෙන සියලුම වැඩසටහන් භාවිතා කිරීමට පුලුවන.

ඔබට පහසු අතුරුමුහුණතක්ද සමඟින් ලැබෙන මෙම හන්තාන ලිනක්ස් මෙහෙයුම් පද්ධතිය එදිනෙදා අවශ්‍ය වන වැඩසටහන් බොහොමයක් අන්තර්ගතකොට ඔබ වෙත ලැබේ. 

මෙය නොමිළේ බෙදාහරින බැවින් ඔබට කැමති ආකරයෙන් මෙය පිටපත් කර භාවිතා කළ හැක.

Hanthana Linux මෙතනින් Download කරගන්න - http://www.hanthana.org/index.php

මේ සමඟ ඔබට නොමිළේ ලැබෙන මෘදුකාංග - http://www.hanthana.org/si/features.php

Screenshots - http://www.hanthana.org/si/screenshots.php

8:32 PM by Unknown · 1

ඉංග්‍රීසියෙන් සිංහලට පෙරලන්න මෙන්න භාන්ඩේ

අපි ඉතින් ඉස්සර කරේ Dictionary Software එකක් අරගෙන වචනෙන් වචනෙ හොය හොය පරිවර්ථනය (Translate) කරපු එකනෙ, නමුත් යාලුවනේ අද මම අරන් ආවා ඉංග්‍රීසියෙන් තියෙන ඡේදයක් බැරිනම් කතන්දරයක් හරි එක Click එකෙන් සිංහලට පෙරන්න පුලුවන් ක්‍රමයක්. මේ සේවාව සපයන්නෙත් Google Translate විසින්. මෙතනින් යන්න එහෙනම් යාලුවනේ ඒ Site එකට. ඔයාට අවශ්‍ය දේ එයා පරිවර්ථනය කරලා දෙයි.

translate.google.com

8:26 PM by Unknown · 4

Data කපාගන්නෙ නැතුව TV බලමුද? PC / Phone / Tab සඳහා

මුලින්ම කියන්න ඕනෙ යාලුවනේ මේ වැඩේ කරන්න නම් Dialog Sim එකක් තියෙන්නෙ ඕනේ.

9:07 AM by Unknown · 26

Processor එක පරිගණක මතකය සමඟ ගනුදෙනු කරන්නේ කෙසේද?

පරිගණක මතකය කිව්වම ගොඩ දෙනෙකුට මතක් වෙන්නෙ පරිගණක දෘඩ තැටිය නොහොත් Hard Disk Drive එක, ඔව් ඒකත් එක්තරා මතකයක්. නමුත් පරිගණයකේ ප්‍රධාන මතකය වෙන්නෙ Hard එක නම් නෙවේ, RAM (Random Access Memory) එක. ඔයාලා දන්නවත් ඇති RAM එකේ මතක ධාරිතාව වැඩි උනාම පරිගණකය වේගවත් වෙන කතාව. ඔව් ඒක ඇත්ත, නමුත් පරිගණක වේගය බලන්නෙ Processor එකෙන්නෙ? හරි ඔය ගැටලුවට පිළිතුරක් ලැබෙයි මේ ලිපිය කියෙව්වම. යාලුවනේ Processor එක කියන්නෙ තත්පරයත් මිලියනයකට බෙදාගෙන පරිගණක වැඩසටහන් පාලනය කරන උපාංගයක්.

CPU කියන්නෙත් Processor එකට, මේ කොටසින් තමා පරිගණකයේ සියලුම උපාංග පාලනය වෙන්නෙ. ගොඩක් අය CPU කියලා කියන්නෙ System Unit එක, ඒක වැරදියි.මොකද ඔය System Unit එක ඇතුලෙ තමයි CPU, Motherboard, Hard Disk Drive, CD-ROM Drive එහෙම තියෙන්නෙ. හරි මේ වගේ වේගෙකින් වැඩ කරන උපාංගයකට අවශ්‍ය දත්ත ලබා ගැනීමට සිදුවන්නේ HDD (Hard Disk Drive) එකෙන්. ඒත් HDD එක ඔය CPU(Processor) එක තරම් වේගවත් නැහැ. එහෙනම් කොහොමද HDD එකේ තියෙන දේවල් CPU එකට එන්නෙ? මෙහෙමයි, CPU එකයි HDD එකයි අතරට දානවා RAM කියන අතරමැදියව.

RAM එක කියන්නෙ HDD එකටත් වඩා වේගයෙන් දත්ත හුවමාරු කරන්න උදව් වෙන කෙනෙක්. ඉතින් RAM එක කරන්නෙ CPU එකට නිතර නිතර අවශ්‍ය වන දත්ත තාවකාලිකව ගබඩා කරගෙන ඉන්නවා අවශ්ය වෙනකොට දෙන්න. නැත්නම් CPU එකට කරදරයි HDD එකෙන් මන්දගමීව දත්ත ලබාගන්න. හරි අපි පොඩි උදාහරණයක් ගමු, හිතන්න අපි Media Player එකෙන් MP3 එකක් අහන්න යනවා කියලා කියලා, ඉතින් අපි අවශ්‍ය MP3 එක Play කරන්න කියලා විධානයක් ලබා දෙනවා පරිගණකයට, ඉතින් CPU එකෙන් Signal එකක් දෙනවා HDD එකට මුලින්ම Player එක RAM එකට අරගන්න, ඊළඟට MP3 එකත් RAM එකට ගන්න කියලා.මොකද උනේ? අර Player එකයි MP3 එකයි තාවකාලිකව RAM එකට Copy උනා, ඒක නිසා CPU එක දැන් පහසුවෙන් MP3 එක Play කරනවා.

තවත් කතාවක්, යාලුවො දන්නවානෙ අපි Word Document එකක් එක්ක වැඩ කර කර ඉද්දි ඒක Save නොකර පරිගණයක Off කරොත් අර Word Document ආපහු ගන්න බැරි වෙනවා, ඇයි ඒ? මොකද අපි එටෙක් වෙලා වැඩ කරපු Word Document එක තාවකාලිකව ගබඩා වෙලා තිබ්බෙ RAM එකේ, හරි අපි ඒක Save කරා නම්? එතකොට වෙන්නෙ RAM එකේ තිබ්බ Word Document එක HDD එකටත් Copy වෙන එක. Hard එකේ තියෙන දේවල් පරිගණකය Off කරත් ගබඩා වෙලා තියෙනවා ඒත් RAM එක තාවකාලික මතකයක් නිසා එයා දත්ත ගබඩා කාර්ගෙන ඉන්නෙ On වෙලා ඉන්නකන් විතරයි.

ඇත්තටම HDD එකේ දත්ත CPU එකට ගන්න RAM එකේ වේගයත් ප්‍රමාණවත්ද? එය යම් අවස්ථා වලදි මදි වෙනවා, ඉතින් මෙකට CPU එක ඇතුලෙත් පොඩි තාවකලික මතකයක් තියෙනවා :) , ඒකට කියන්නෙ Cache Memory කියලා, එතකොට RAM එකෙන් එන දත්ත Cache එක හරහා තමයි CPU එකට එන්නෙ.Cache එක RAM එක වඩා වේගවත් වගේම CPU එක දත්ත සැකසුම් කරන වේගයටත් සමීපයි, මේකෙත් කොටස් දෙකක් තියෙනවා L1 (32KB පමණ දත්ත ගබඩා කරගන්නවා), L2 (1MB පමණ) මේ දෙක තියෙන්නෙ CPU එක ඇතුලෙමයි. Cache එක තියෙන්නෙ CPU එකට නිතර නිතරම අවශ්‍ය වෙන දේවල් ගබඩා කරගන්න, නැත්නම් ඉතින් ආයෙ RAM එකේ හොය හොයා රස්තියාදු වෙන්නෙ වෙනවානෙ.

මේක එදිනෙදා ජීවිතයට අනුව ගන්නවානම්, අපි පන්තියෙදි නිතර නිතර අවශ්‍ය වෙන පෑන් පැන්සල් ලඟින්ම තියාගන්නවා, Cache එකේ වගේ, ඒ කාල පරිච්චේදයෙදි අවශ්‍ය නොවෙන පොත් ටික ‍පොත් මේසෙ වෙනම තියාගන්නවා RAM එකේදි වගේ.අනෙක් පොත් ආ දී දේවල් බෑග් එකේ තියන්වා නිකන් HDD එකේ වගේ අවශ්‍ය උනාම ආයෙත් ලබාගන්නවා ඉහත ආකාරයට.

ඉතින් යාලුවනේ HDD එකේ තියෙන දත්ත CPU එකත් එක්ක ගනුදෙනු කරද්දි අවශ්‍ය වන RAM කියන ප්‍රධාන මතයේ ධාරිතාව වැඩි වෙන තරමට පරිගණකය දත්ත සැකසුම් කරන වේගයත් වැඩි වෙනවා, ඒ කියන්නෙ අඩු වෙලාවකදි වැඩි දත්ත ප්‍රමාණයක් එක්ක ගනුදෙනු කරනවා. එතකොට මොකක්ද අර CPU වල Speed එක බලන GHz කතාව?

GHz කියන්නෙ Gega Hertz

1GHz = 1000MHz
1MHz = 1000KHz
1KHz = 1000Hz

1Hz එකක් කියන්නෙ තත්පරයකට Hertz එකක් බැගිනි. Hertz වලින් මනින්නෙ පරිගණකයේ Clock Speed (තත්පරයකට ඇති කරන චක්‍ර ගණන) එක.මේ චක්‍ර අනුව තමා පරිගණකයේ උපදෙස් අනුව දත්ත සැකසුම් කරන්නෙ මේකට තමයි CPU වල Speed එක කියන්නෙ. ඉතින් ලබා දෙන උපදෙස් අනුව වැඩ කරන්න ප්‍රමාණවත් වන දත්ත ඉතා කෙටි කාලයකින් ලැබෙනවා නම් පරිගණය වේගයෙන් වැඩ කරනවා. වැඩි RAM ධාරිතාවක් තියෙද්දි නිතර නිතර HDD එකට නොයා RAM එකට අවශ්‍ය දත්ත වැඩි ප්‍රමාණයක් ගබඩා කරගන්න පුලුවන්. යාලුවන්ගෙන් වැඩිය ප්‍රතිචර නැති නිසා ඉතින් ලිපියක්වත් ලියන්න හිතෙන්නෙ නෑ. ;)

10:03 PM by Unknown · 7

දත්ත සහ තොරතුරු සන්නිවේදනය

දත්ත සහ තොරතුරු සන්නිවේදනය කියන්නෙ 21වන සියවසේ ප්‍රබළ ලෙස ලෝකයාට බලපමක් ඇති කළ දෙයකි.මොකක්ද මේ දත්ත සහ 

තොරතුරු සන්නිවේදනය යනු?

දත්ත හෝ තොරතුරු එක් ස්ථානයක සිට තවත් ස්ථානයකට සම්ප්‍රේශණය(Transmit) කිරීමයි.

දත්ත සහ තොරතුරු සන්නිවේදනයට අවශ්‍ය මුලිකාංග(Basic Components) මොනවාද?

• දත්ත ප්‍රභවය/දත්ත යවන්නා (Source / Sender)
• දත්ත සම්ප්‍රේෂණ මාධ්‍යය (Data Communication Medium)
• දත්ත ග්‍රාහකයා/දත්ත ලබා ගන්නා (Receiver / Sink)

දත්ත ප්‍රභවය/දත්ත යවන්නා (Source / Sender)

මෙතනදි කතාකරන්නෙ සම්ප්‍රේශණය කළ යුතු දත්ත නිපදවන්නා හෝ එය නිපදවන ස්ථානයයි.

උදා :- ඔබ යමෙකුට දුරකථන ඇමතුමක් ගන්නේනම් එහි දත්ත යවන්නා ඔබය.

දත්ත සම්ප්‍රේෂණ මාධ්‍යය (Data Communication Medium)

දත්ත යවන්නාගේ සිට එය ලබාගන්නා තෙක් භාවිතා වන මාධ්‍ය දත්ත සම්ප්‍රේෂණ මාධ්‍යය වේ.

ඉහත උදාහරණයට අනුව එම දුරකථන මාර්ගය මෙයට අදාල වේ.

දත්ත ග්‍රාහකයා/දත්ත ලබා ගන්නා (Receiver / Sink)

එලෙසින් සම්ප්‍රේශ්ණය වූ දත්ත ලබාගන්නා දත්ත ග්‍රාහකයා වේ.

ඉහත උදාහරණයට අනුව එම දුරකථන ඇමතුම ලබාගන්නා පුද්ගලයා ග්‍රාහකයා වනු ඇත.

දත්ත සම්ප්‍රේෂණ මාධ්‍යයන් (Data Communication Medias)

දත්ත හුවමාරු කිරීමට අවශ්‍ය වන සම්ප්‍රේෂණ මාධ්‍යයන් ප්‍රධාන කොටස් දෙකකි.

1. නියමු මාධ්‍ය (Guided Media) : දත්ත සම්ප්‍රේශණය සඳහා භාවිතා කරන්නේ භෞතික මාධ්‍යන්ය.

1. නියමු නොවන මාධ්‍ය (Unguided Media) : මෙය විකිරණ මාධ්‍ය (Radiated Media) ලෙසද හඳුන්වන අතර, මෙහිදි භාවිතා වන්නේ භෞතික නොවන මාධ්‍යන්ය.

නියමු මාධ්‍ය (Guided Media) 

නියමු මාධ්‍ය ලෙස භාවිතා කරනුයේ වයරයන් ය. උදා :

• Twisted Pair (සමාවෘත කම්බි යුගල)

මෙය බහුලව භාවිතා වන්නේ දුරකථන රැහැන් සඳහාය.

• Co-Axial Cable (සමාක්ශ යොත්)

තඹ කම්බියක් සහිත වයරය සිහින් තඹ කම්බි දැලකින් ආවරණය කර මෙය සකසා ඇත. රූපවාහින් යන්ත්‍රවල ඇන්ටෙනා වයරය ලෙස භාවිතා වන්නේ මෙම වයරයයි.

• Fiber Optics (ප්‍රකාශ තන්තු)

අද වන විට ජනප්‍රිය සන්නිවේදන මාධ්‍යක් වන ප්‍රකාශ තන්තු ඉතා වේගවත් ලෙස දත්ත සන්නිවේදනය කරනු ලබයි. මෙය අන් මාධ්‍යන්ට වඩා සාපේක්ශව මිළ අධිකය.

නියමු නොවන (රැහැන් රහිත) මාධ්‍ය

මෙහිදී කිසිඳු භෞතික මධ්‍යක් භාවිතා නොකරන අතර, විද්‍යුත්චුම්භක තරංග හරහා දත්ත සම්ප්‍රේශණය වේ. මේ ගැන වැඩිදුර විස්තර මෙම ලිපියෙන් ලබාගන්න. Remote Control වැඩ කරන්නේ කෙසේද.

• ගුවන් විදුලි තරංග (Radio Waves)

එදිනෙදා ජීවිතයේ භාවිතා කරනු ලබන FM ගුවන් විදුලි ක්‍රියා කරන්නේද නියමු නොවන මාධ්‍යක් හරහා සම්ප්‍රේශණය වන ගුවන් විදුලි නාලිකා මඟිනි.

• අධෝරක්ත කිරණ (Infrared Rays)

රැහැන් රහිත තාක්ශණයේ ඉතා සරළ අවස්ථාවක් වන මෙය පියවි ඇසට නොපෙනෙන ආලෝක කිරණ භාවිතා කරයි.මෙයට කදිම නිදසුන වන්නේ රූපවාහිනී යන්ත්‍ර සඳහා භාවිතා කරන Infrared Remote ය.

• ක්ශුද්‍ර තරංග (Microwaves)

ඉතා වැඩි දුරකට දත්ත සම්ප්‍රේශණය කිරීමට ක්ශුද්‍ර තරංග භාවිතා වේ.

ඒ හැරුණුකොට Bluetooth , Wi-Fi, Wi-Max පෙන්වාදිය හැක.

5:10 AM by Unknown · 1