Showing posts with label Videos. Show all posts
Showing posts with label Videos. Show all posts

Area 51 වැනි අභිරහස් ස්ථානයක් ශ්‍රී ලංකාවෙන්


පිට අයට ඇතුළුවෙන්නත් බැරි ඇතුලෙ ඉන්න අය පිටවෙන්නෙත් නැති ස්ථානයක් ගැන ඇසුවොත් ඔබේ මතකයට නැගෙන්නේ ඇමෙරිකා එක්සත් ජනපදයේ නෙවාඩා ප්‍රාන්තයේ පිහිටි Area 51 නොහොත් 51 වන කලාපයයි. නමුත් මෙම ලිපියෙන් ඔබ වෙත ගෙන එන්නේ එවැනි වූ ස්ථානයක් ශ්‍රී ලංකාවේද තිබෙන බවයි. හලාවතට නුදුරින් පිහිටා තිබෙන මෙම ස්ථානය ඉරණවිල පිහිටි ඇමරිකන් හඬ නොහොත් Voice of America යනුවෙන් හඳුන්වා ඇත. ප්‍රදේශවාසීන්ගෙන් ලද තොරතුරු අනුව මෙය ශ්‍රී ලංකා ජනපති චන්ද්‍රිකා බණ්ඩාරණායක මැතිණිය ජනපති වීමටත් ප්‍රථම ශ්‍රී ලංකාවේ තිබූ බවත් ඒ වන විට අක්කර 40ක භූමි ප්‍රදේශයකත් තිබිණි. ප්‍රදේශවාසීන් හට මෙම ස්ථානයට ඇතුලුවීමට පවා අවසර නොලැබුණ හෙයින් මෙය සැකසහිත දෙයක් වූ අතර, බණ්ඩාරණායක මැතිණිය පවසා තිබෙන්නේ තමන් බලයට පත් වූ පසු මෙම ස්ථානය ඉවත් කරන බවය. නමුත් සිදුවූයේ නොසිතූ දෙයකි, ඇය බලයට පත් වූ පසුව අක්කර 40ක විහිදී තිබූ ඇමරිකන් හඬ අක්කර 400ක් දක්වා විශාල කිරීමට රජයෙන් අවසර ලැබිණි. 1994 පමණ වන විට මෙය තවත් සංවර්ධනය වූයේ ජනතාවගේ විරෝධයද මැදයි.
එකල උතුරුකරයේ කොටි ත්‍රස්ථවාදය නිසා යුධ වදින හමුදාව මෙන්ම ඉරණවිල ප්‍රදේශවාසීන්ද තම භූමියට පැමිණ අභිරහස් දෑ සිදු කරන ආගන්තුකයින් සමඟද පොරබැදීමට සිදුවිය.
මෙම ස්ථානය කෙතරම් අධි ආරක්ශිතද යැයි කිවහොත් ඒ වටා ඉදිකර ඇති විදුලි වැට මාරාන්තික වොට් 33000 ක විදුලියකින් සන්නද්ධ කර ඇත.
ඇමෙරිකානු රජය විසින් තානාපති මුක්තිය යටතේ පවත්වාගෙන යන ඉරණවිල Voice of America යනු ශ්‍රී ලංකාව අනුබද්ධව තවත් රටවල් 14ක ක්‍රියාත්මක කෙටි තරංග සම්ප්‍රේශණාගාරයක් වන බවයි ඔවුන් පවසන්නේ.


මෙහි වාහන ගමනාගමනයට යැයි සැලකෙන කිලෝ මීටර් 3ක් දිග සහ අති විශාල පලකින් යුත් මාර්ගයට අඩි පහකට වඩා වැඩි කොන්ක්‍රීට් තට්ටුවක්ද යොදා ඇත.
සාමාන්‍ය මාර්ගයකට වඩා ශක්තිමත් මෙය අවශ්‍ය ඕනෑම වර්ගයේ ගුවන් යානයක් ගොඩබැස්වීමටද හැකි වන අයුරින් තනා ඇත.
පිටස්තර පුද්ගලයෙකුට හෝ ලංකාවේ ආරක්ශක අමාත්‍යංශවලට පවා ඇතුලු වීමට නොහැකි මෙම ස්ථානය ඇමෙරිකානු ජාතිකයින් තිදෙනෙකුගේ ප්‍රධානත්වයෙන් පවත්වාගෙන යන අතර කෙටි තරංග සම්ප්‍රේශණාගාරයක් යැයි පැවසුවද මේ තුළ ඊටත් වඩා බරපතල යමක් සිදු වන බව කාටත් නොරහසකි.
හලාවත, ඉරණවිල ප්‍රදේශවාසීන් මෙම ප්‍රදේශයෙන් රාත්‍රී කාලයේදි අහසේ අත්භූත එලි ගමන් කරන ආකාරය දැක ඇති අතර පාන්දර 3ට පමණ මෙවැන්නක් දුටු ගොවියෙකු පවසා තිබුනේ එය මඳ වේලාවකට පසු අතුරුදහන් වූ බවයි. මෙම අභිරහස් යානාව දෙසට තම විදුලි පන්දම් එල්ල කළ ජනතාව බිය වැද්දීමට මෙන් ඒවා ලඟට පැමිණ ඇති අතර පැය දෙකක පමණ කාලයකින් ඒවා අතුරුදහන් වූ බවත් ආරංචි වේ. මෙවැනි එලි සහිත් වස්තූන් ඉරණවිල අහසේ දක්නට ලැබෙන්නේ පාන්දර 2ත් 4ත් අතරය.
එමෙන්ම මෙම ස්ථානයේ විශාල කුලුණු සවි කර ඇති අතර, ඒවායෙහි නිවි නිවි දැල්වෙන විදුලි පහන්ද දක්නට ඇත. 30ට වැඩි ප්‍රමාණයක්.
ප්‍රදේශවාසීන් මෙය සැක කරන්නේ මේවා ගුවන් පථ වල භාවිතා වන මග පෙන්වන ආලෝක හෝ වෙනත් ආකාරයකින් යම් තොරතුරක් සම්ප්‍රේශණය කරන ක්‍රමයක් බවයි. (Parallel Data communication)
ලිපිය ලියන්න විස්තර හොයලා දුන්න Roshen, Enosh මාගේ මිතුරන්ට බෙහෙවින් ස්තූතිය පුද කරමි.

6:20 AM by Sadeepa Ravishan · 9

ඔක්සිජන් නිපදවීමට හැකි ලොව ප්‍රථම කෘතිම ශාක පත්‍රය


සොබාදහමෙන් කෘතිම පරිසරයට පියවර තබන මිනිසා, කෘතිම පරිසරයෙන් සොබාදහම නිපදවන්නට ගත් උත්සාහයක් ගැනයි අද ලිපිය.

Julian Melchiorri නම් විද්‍යාත්මියෙක් විසින් යම් ගැටලුවකට පිළියමක් ලෙස ගත් මෙම උත්සාහය සාර්ථක වෙලා තියෙනවා. ගැටලුව කුමක්ද යන්න ලිපිය අවසානයේ විස්තර වේ.

සිල්ක් ප්‍රෝටීන මඟින් තැනූ ප්‍රභාසන්ස්ලේශණයට අවශ්‍ය වන හරිතලව මෙම පත්‍රයේ අන්තර්ගත කොට ඇත.
මේවා අඩු ශක්තියක් පරිබෝජනය කරන අතර, අඩු බරකින් යුත්, සම්පූර්ණයෙන්ම ජීව විද්‍යාත්මක ඒවාය.
Melchiorri මහතා පැවසූ ආකාරයට මේවා මහා පරිමාණයෙන් වුවද භාවිතා කිරීමට යෝග්‍ය වේ.
වැඩිදුරටත් අදහස් දැක්වූ එතුමන් පවසා සිටියේ, ගොඩනැගිලි තැනීමේදී ඒවාට වාතාස්‍රර සපයීමටද මෙය කදිම වන බවයි. පිටතින් ලබාගන්නා වාතය ඔක්සිජන් ලෙස පිරිපහදු කොට අභ්‍යන්තරයට ලබාගැනීම මෙහි අරමුණයි. වැදගත්ම කරුණ නම්, මෙය නිපදවීමේ මූලික හේතුවක් ලෙස සඳහන්ව තිබූයේ අභ්‍යවකාද කටයුතු වලදී ඔක්සිජන් ලබාගෙනීමට පහසු ක්‍රමයක් ලෙස කෘතිම ඔක්සිජන් නිපදවන යමක් අවශ්‍ය වීමයි. එනිසා සාම්ප්‍රදායික කාල සීමාවක් දක්වා පමණක් පවතින ඔක්සිජන් ටැංකි භාවිතය වෙනුවට අනාගතයේ කෘතීම ශාක පත්‍ර භාවිතා වන ලකුණු හොඳින්ම පැහැදිලිය.

7:12 AM by Sadeepa Ravishan · 4

දකුණු කොරියාවේ ඉදිවෙමින් පවතින ලොව විශාලතම නැව


මෙන්න සුපිරි වැඩක්, බලන්නකො ඉතින්.. නැවේ නම කියලා පටන් ගන්නම්කො ලිපිය, 'Maersk Triple E' . 2011 වසරේදී Daewoo Shipping සමඟ ඩොලර් බිලියන 3.8ක මුදලක ගනුදෙනුවක් සමඟින් මෙම නැව් වාහීනී 20ක ඉදිරිකීම ඇරඹිනි.




මීටර් 400ක දිගින් හා මීටර් 59ක පළලකින් යුත් Triple E නව්කාව V හැඩැති ස්වරූපය වෙනුවට U හැඩැති ස්වරූපයකින් නිර්මාණය වේ.
ද්විත්ව 43,000hp (32MW) two-stroke, ultra-long-stroke වර්ගයේ එන්ජිමකින් සමන්විත මෙය slow steaming ක්‍රමවේදය භාවිතා කර ඉන්ධන දහනය 37%කින් අවම කර ඇත. එමෙන්ම 50%ක කාබන් ඩයොක්සයිඩ් විමෝචයෙහි අඩු කිරීමක්ද සිදු කර ඇත. මෙම ක්‍රමවේදයෙහි විශේශතවය නම් නැව තම උපරිම වේගයට ව්අඩා අඩු ව්ඒගයකින් ගමන් කරවීමයි. මෙහි උපරිම වේගය 23 knots. ලෙස සඳහන් වේ.
අවරපෙති දෙකකින් තම බලය යොදවන මෙම නව්කාව twin-skeg ලෙස හඳුන්වන එම ක්‍රමවේදයට එන්ජින් දෙකක් භාවිතා කරයි.ටොන් 70ක බරින් යුත් එක් අවකරපෙත්තක විශ්කම්භය මීටර් 6.8ක් වන අතර එකක් තල 4කින් සමන්විත වේ. Triple E යන්නෙන් අරුත් ගැන්වෙන්නේ “Economy of scale, energy efficient and environmentally improved.” යන්නයි. එනම් පිරිමැස්මෙන් යුත් පරිමාණය කාර්යක්ශමතාව හා පාරිසරිකව බලපාන යහපතයි.
මෙම නැවෙහි කපිතාන්වරයා වන Lars Peter Jensen ලොව විශාලතම නැවෙහි කපිතාන් වන ගෞරවය හිමිකරගනී.

5:28 AM by Sadeepa Ravishan · 5

IPhone 6 එකක් Coca Cola සමඟ බැද්දට පස්සෙ වෙන දේ මෙන්න



මෙයාලටත් වෙන වැඩ නැතුවට කරන දේවල්.


6:50 AM by Sadeepa Ravishan · 1

මේ ලෝකෙන් මිනිස්සු නැතුව ගියොත් මොකද වෙන්නෙ?




6:32 AM by Sadeepa Ravishan · 1

නැවීම නිසා හානි වන වයර් වලට ආරක්ශාවක්


ගොඩක් වෙලාවට Charger එකේ Cable එක එහෙම නැවිල පොඩි වෙලා ඒකෙ රබර් එකත් ගැලවිලා කැඩුනු අවස්ථා යාලුවොත් අත්දැකලා ඇති. ඒත් මේ සරල වැඩෙන් ඔයාලට පුලුවන් ඒකෙන් බේරෙන්න.
කැමති අය ඔය විදියට නූල් ඔතලා වයර් එක පරෙස්සම් කරගන්න එහෙම බැරි නම් කුඩා Spring එකක් වයර් එකේ නැවෙන ස්ථානය වටා ඔතන්න.
පෑන් වල තියෙන එකක් වඩා සුදුසුයි.

6:06 AM by Sadeepa Ravishan · 0

ලොව ප්‍රථම Hybrid ගුවන් යානය කේම්බ්‍රිජ් සරසවියෙන්


Hybrid Car ගැනනම් මටත් වඩා දන්න යාලුවො ඇති, ඒත් Hybrid Plane එකක් ගැන අහන පලවෙනි වතාව වෙන්න ඇති මේක. ඉතින් කේම්බ්‍රිජ් සරසවිය ලෝකෙ පලවෙනි දෙමුහුන් ගුවන් යානය හැදුවා. Boeing සමාගම සමඟ එක් වී තැනූ මෙම ගුවන් යානය ඉන්ධන මඟින් ක්‍රියාත්මක වන ඒවාට වඩා 30%ක් අඩුවෙන් ඉන්ධන භාවිතා කොට ක්‍රියාත්මක වේ.
මෙම ව්‍යාපෘතියේ නායකත්වය දැරූ Dr. Paul Robertson මහතා ප්‍රකාශ කර සිටියේ වසර ගනනාවකට පෙර සිටම Hybrid Car භාවිතය තිබුනද මෙම ගුවන් යානය පසුපස තිබෙන්නෙ Hybrid හෝ විදුලියෙන් බලගැන්වුනු තාක්ශනයක් බවයි. මෑතක් වන තුරුම ගැටලුවක් වූයේ වැඩි ශක්ති ප්‍රමාණයක් ගබඩා කර ගැනීමට තිබූ බාදාවයි. කෙසේවෙතත් කාර්යක්ශමතාව වැඩි Lithium-Polymer බැටරි යොදාගනිමින් මෙම ගැටලුවට පිළියමක් සොයාගැනීමට හැකි වූ බවත් ඔහු ප්‍රකාශ කර සිටියා. මෙවැනි බැටරි ලැප්ටොප් පරිගණක වල මෙන්ම දැන් පටන් ගුවන් යානා වලද භාවිතා වේ.වැඩිදුරටත් අදහස් දක්වමින් ඔහු ප්‍රකාශකර සිටියේ දැනට කුඩා පරිමනයෙන් වුවත් අනාගත්යේ එය බහුල වන බවයි.
Honda 4 Stroke එන්ජිමක් සහිත මෙම ගුවන් යානය විදුලි මෝටරක් හා විදුලි ජනකයක් (Generator) සමඟ බැටරියට සම්බන්ද වී Hybrid තාක්ශණය සියතට ගනී. මේවා යුගලක් ලෙස එක් වී Propeller එක කරකවයි. ගුවන්ගත කිරීමේදි වැඩි බලයක් අවශ්‍ය වන බැවින් මෙම ක්‍රම ඉතා වාසිසහගත වේ.
තනි ආසනයක් පමණක් ඇති ගුවන් යානයේ එන්ජිමෙන් ලැබෙන අතිරික්ත බලය බැටරිය ආරෝපනය කර අවශ්‍ය වේලාවට බැටරියේ බලයෙන් විදුලි මෝටරය ක්‍රියා කරවයි. කේම්බ්‍රිජ් සරසවිය මෙහි පළමු ධාවනය සාර්ථකව ඉටු කළහ.

5:59 AM by Sadeepa Ravishan · 0

Drones මඟින් තැපැල් කටයුතු කිරීම ප්‍රංශයෙන් ඇරඹේ


අපි නම් දන්නෙ ගෙදර එන ලියුම එන්නෙ පියුම් මාමගෙ අතේ කියලා, ඒත් මේ වැඩෙන් වෙන්නෙ එන ලියුම හෝ පාර්සලය ඩ්‍රෝන තාක්ශණයෙන් ගුවනේ සිට අදාල නිවස වෙත ගෙන ඒමයි. මේ වැඩේට මිලින්ම අතගැහුවෙ Amazon සමාගම වුවත් ප්‍රංශයේ La Poste නම් වේගවත් තැපැල් සේවාවක් විසින් මෙම GeoPost  සේවාව ආරම්භ කර ඇත.
ඒ වන විටත් ඔවුන් විසින් භාවිතා කරන ලද Atechsys නම් GeoDrone ව්‍යාපෘතියක් සමඟ මෙය දියුණු වී තිබේ. ඉතින් ඒ නිසා අඟල් 16 x 12 x 8 ප්‍රමාණයක පාර්සලයක් වුවත් රැගන් යා හැකි ඉලෙක්ට්‍රොණික ඩ්‍රෝනයක් තැනීමට මුලපුරා ඇත. එමෙන්ම මෙයට 4 kg බරක් වුවත් රැගෙන 20km පමණ පරාසයක ස්ව්‍යංක්‍රීයව ක්‍රියාත්මක විය හැක. ඉතින් මෙහි නිර්මාණකරුවන්ගේ බලාපොරොත්තුව කඳු සහිත ප්‍රදදේශ, දූපත්, හුදෙකලා වූ ගම්මාන ලඟා වී තම සේවය ඉටු කිරීමට හැකි වන ලෙස මෙය දියුණු කිරීමටයි. එමෙන්ම යම් හදිසි අවස්ථාවක් උදා වුවහොත් එයටද සරිලන පරිදි තම තැපැල් සේවය ඉක්මන් කිරීමට පිටුවහලක් ව්අන බවත් ඔවුන් සදහන් කර සිටියහ.
මෙය සැබෑ ලෝකයේදි භාවිතා විය යුතු ආකාරෙයෙන්ම අත්හදාබලා ඇති අතර ස්ව්‍යංක්‍රීයම ගුවන්ගත වීම හා භූමිය වෙත් නැවත පැමිණීමත් සාර්ථකව සිදු කර තිබෙනවා. එමෙන්ම දකුණු ප්‍රංශයේ CEEMA නම් ප්‍රදේශයක් වෙත 2kg පාර්සලයක් 1.2km තරම් වන දුරකට යැවීමටද ඔවුන් සමත් විය. ලංකාවටත් මේ වැඩේ ආවම වෙන්නෙ පියුම් මාමට ගෙදර යන්නද? සමහරවිට එයාට මේවා පාලනය ගැන කටයුතු කරනන් ලැබෙයි, ඒත් ඉතින් මෙය ස්ව‍යංක්‍රීය එකක් නිසා වෙන වැඩක් බාර දෙන්න වෙයි එයාට.

5:35 AM by Sadeepa Ravishan · 4

ලොව ආරක්ශිතම ටැක්සි එක රුසියාවෙන්


ලංකාවෙ බහුලවම දකින්න ලැබෙන්නෙ 3-Wheel ටැක්සි වුනත් මෙහෙම එකක්නම් තාම දැකලා නැතුව ඇති කවුරුවත්. බයවෙන්න එපා යුද්ධ ටැංකියක්මත් නෙවෙයි මේක, ඒත්...
St. Petersburg ප්‍රදේශයේ සැරිසරන අයට වාසනාව ලැබිලා තියෙනවා ලොව ආරක්ශිතම ටැක්සියෙ හයර් එකක් යන්න.ඔයාලා ඒ පැත්තට ගිය වෙලාවක මේ වාහනේ තමන් ලඟට ආවොත් එහෙම බයවෙන්න එපා හොඳේ, BRDM-2 නමින් හඳුන්වන මෙම යුධ ප්‍රහාරක කුලී රථයට ගොඩ වෙලාම බලන්න. එවලෙම ටැක්සියෙ රියදුරු මහත්තයා අහයි කොහාටද මල්ලි යන්නෙ කියලා.මොකද ඉතින් මේකත් ඉතින් ටැක්සියක්නෙ.
මේ වාහනේ ප්‍රථමයෙන් ලෝකයට එන්නෙ සෝවියට් රුසියාවෙ යුධ කටයුතු වෙනුවෙන් තැනූවක් ලෙසයි. කෙසේහෝ එය දැන් නම් මගී ප්‍රවාහන ටැක්සියක් විදියට තමයි භාවිතා වෙන්නෙ. ඉතින් මේ වාහනේ යුධමය මතුපිට මෙන්ම turret අවියත් දැකගන්න පුළුවන්.
1963 - 1989 දක්වා වන කාල වකවානුවේදී නිපදවූ මෙහි විශේශ්ත්වය වන්නේ ඕනෑම භූමි මට්ටමකට ඔරොත්තු දෙමින් ගමන් කිරීමට ඇති හැකියාවයි.මෙය 14.5mm Vladimirov  Heavy machinegun එකකින්  හා a 7.62mm Kalashnikov’s tank machinegun එකකින් සමන්විත වේ. කොහොම කොහොමහරි ඉතින් මේක පාරට දාන්නත් අයිතිකාර මහත්මයාට බලදාරින්ගෙන් අවසර ගන්න එකත් බර වැඩක් වෙලා තියෙනවා. වාසනවට ඔහුට එම අවසරය ලැබී තිබෙනවා. නමුත්, මෙහි වේශාංතරණ පෙනුම වෙනස් කොට කුඩා පාරවල් වල ගමන් නොකර භාවිතා කිරීමට සිදු වී තිබෙනවා.
යුධ ටැකියක් ටැක්සියක් විදියට ගන්න ?
ඔව් හැබැයි දැනට තිබෙන ටැක්සි වලට වඩා වාසිසහගත දේවල් රැසක්ද සමඟින් තමයි එන්නෙ.St. Petersburg හී ‘white nights’ පවතවන අවස්ථාවලදී නෙවා ගඟ තරණය කොට තම රාජකාරිය කිරීමට මෙහි රියදුරු මහතා වගබලාගෙන ඇත.
පිටින් පෙනුම වෙනස් කරත් ඇතුල නම් තිබ්බා වගේම තියෙනවා. මේකෙ රවුමක් යන්න නම් 100$ පමණ ගෙවන්න වෙනවා. ගාන කීය වුනත් මේ වැඩේ නැගලම යනවා සංචාරකයින් හා විවාහ යුවල් වෙනුවෙන් ලබාදෙන හයර් වෙනුවෙන්. බලන්නකො Video එක මෙතනින්.

4:33 AM by Sadeepa Ravishan · 1

වීනස් ග්‍රහලොව වෙත නාසා එකෙන් යවන HAVOC අහස් යානාව


යාලුවො දැනටත් දන්න දෙයක්නෙ අඟහරු වලටත් මිනිස් බැල්ම යොමු වෙලා තිබෙන බව.ඉතින් අඟහරුට CURIOSITY රෝවර් එකක් යැව්වා වගේම අපි වාසය කරන පෘථිවියෙ අසල්වාසියා වන වීනස් වලටත් භාන්ඩයක් යවන්නයි යන්නෙ, වෙන මොකක්වත් නෙවේ HAVOC කියන අහස් නැව. ඉතින් මේ සැලසුම වෙනුවෙන් නාසා ආයතනය කැපවෙලා තිබෙන බවයි වාර්ථා වෙන්නෙ.
නාසා හී Langley facility පර්යේශක කණ්ඩායම විසින් වීනස් ග්‍රහයා පිළිබධ පර්යේශණ කටයුතු කිරීමට ඉදිරිපත් කර ඇති එක් ආකාරයක් ලෙස High Altitude Venus Operational Concept (HAVOC) සිද්ධාන්තය ඉදිරිපත් කරලා තියෙනවා. හැබැයි මේ යානාව තනියම නම් නෙවේ යන්නෙ, මාසයක් වැනි කාලයක් පුරාවට අභ්‍යවකාශගාමින් දෙදෙනෙකු විසින් වීනස් ග්‍රහයා වටා බ්‍රමණය වෙමින් විශාල මෙහෙයුමකටයි යන්නෙ. කෙසේ වෙතත් මෙම ග්‍රහයා වටා ඇති උණුසුම් මතුපිටෙහි තිබෙන ඊයම් පවා දියකරවන වායුගෝලයේ තිබෙන සල්පර් අම්ලය නිසා මෙයට බාදා පැමිණියහැකි බව වාර්තා වේ. තවද මෙහි භූමියේ තිබෙන වායු පීඩනයත් දරාගත නොහැකි තරම් ය.
ඉතින් මේ HAVOC අහස් යානාව කොහොමද ඔය අභියෝගයට මුහුණ දෙන්නෙ?
වායුවෙන් පිරවූ මෙම වාහනය ඒ සියල්ලටම පිළිතුරු සපයයි. මන්ද යත් එය ගොඩබෑමට හා නැවතත් රැගෙන ඒමට යන වියදම හා තාක්ශණික ගැටලු නැති වීමයි. HAVOC සිද්ධාන්තයට පණ පොවන අභ්‍යවකාශගාමින් හට වායු පිරවූ පාවෙන අහස් යානාව තුළ ජීවය පවත්වාගත හැකි බවත් ඒ සමඟ පර්යේශණ කටයුතුද කළ හැකි බව වාර්තා වේ. එමෙන්ම මෙය හීලියම් වායුව පිරවූ දැවැන්ත බැලුමකි. ඉන්ජිනේරුවන් බලාපොරොත්තු වන ආකාරයට මෙය වීනස් වායුගෝලයේ 50km මතුපිටක පවත්වාගැනීමට හැකි වේ.
ඉතින් මේ වැඩේට එකතු වෙලා ඉන්න කණ්ඩායමේ අභිමතාර්ථය වෙන්නෙ වීනස් ග්‍රහයා වෙත මිනිසුන් යැවීමට පෙර එය සුදුදු ස්ථානයක්දැයි පරීක්ශා කිරීමයි.
ඉතින් යාලුවනේ ඉන්න තැන ඇරුණම තවත් ස්ථාන වෙනුවෙන් ඇස යොමු කරන නාසා ආයතන ගැන හිතන්නෙ මොනවද?

4:08 AM by Sadeepa Ravishan · 0

ලොව විශාලතම Truck එක - හයර් එකකට ටොන් 450ක්ම අදිනවා


ඉතින් යාලුවනේ ඔයාලා දැනට දැකපු ලොකුම Truck එක මොකක්ද? මොකක්වුනත් කමක් නෑ, මේ කියන්නෙ ඉතින් ටොන් 450ක්, එහෙමත් නැත්නම් කිලෝ 450,000ක්ම එකවර අදින්න පුලුවන් Truck එකක් ගැන. පුදුමත් හිතෙනවා නේ?
අපිට මේ වාහනේ හම්බෙන්නෙ රුසියාවේ Kuzbaas වලින්. එම ප්‍රදේශයේ භූගත කැනීම් කටයුතු වලට සහය වෙන්න ඉන්න දැවැන්තයෙක් තමයි ඉතින් මේ. BelAZ 75710 යන නමින් හඳුන්වන මේ Truck එක මීටර් 20ක දිගින් හා මීටර් 10ක පලලින් යුක්ත වෙනවා, මෙහි හිස් බර පමණක් ටොන් 360ක් වෙනවා.ඒ වගේම පැයට කි.මී. 64ක වේගයක් හා මීටර් 20ක හැරවුමක්ද ලබාගන්න පුලුවන්.
එමෙන්ම මෙහි මීටර් 2ක උසක් ඇති ටයර් 8ක් තියෙනවා, අඩුමගානෙ ඔයාවත් ඒ ටයර් එකක් තරම් උසද?
ටොන් 450ක බරක් (Full load කරපු A380 Air bus එකක් තරම්) රැගෙන යාමේ බලයක් සහිත මෙහි 1700kW බලයක් නිකුත් කරන  Sports 2 වර්ගයේ සිලින්ඩර 16ක ඩීසල් එන්ජිමක්ද තියෙනවා.තවද 1200kW වන විදුලි මෝටර් හතරක්ද මෙහි අන්තර්ගතකොට ඇත. ගෙදර වතුර මෝටරය තරම් කී ගුණයක් බලවත්ද මේක?
වාහනේ ගොඩක් උසයි ,බරයි එත් ලංකාවෙ පාරවල්වලට නම් දාන්න බැරිවෙයි ඉතින්.
මේ මැමත් රථයෙ රියදුරු අසුනට හිමිකම් කියන්න ලැබිලා තියෙන්නෙත් පුද්ගලයන් දෙදෙනෙකුට පමණයි,ඔවුන්ගෙන් Andrej Vashkevich නම් පරීක්ශක රියදුරු මහතා පවසන්නේ මෙය පැදවීමට ලැබීම ආඩම්බරයට කරුණක් වන බවත් මෙය ධාවනය පහසු වූ බවත් එයට අනුගතවීමට සුළු කාලයක් ගත වූ බවත්ය. වැඩිදුරටත් අදහස් දැක්වු ඔහු පවසා සිටියේ කැණීම් කටයුතු සිදු කරන රළු/ලිස්සනසුළු පාරවල් සහිත බිමක වුවත් පහසුවෙන් මෙය ගෙන යාමට හැකිවීම භාග්‍යක් බවයි.
තවත් මෙවැනි ට්‍රක් රථ දෙකක් නිර්මාණය කරමින් පවතින අතර එකක මිළ සඳහන් වී තිබෙන්නේ ඩොලර් මිලියන 6ටත් වැඩි ලෙසයි.
අන්තර්ජාලය ඇසුරින් සොයාගත් තොරතුරු ඇසුරිණි. සිංහල බ්ලොග් එකක් කරා වුනත් සොයාගන්නා තතුවලට අදාල සමහර සිංහල වචන නොදන්නා නිසා ලිපි වල ගැටලු තිබිය හැක, එවන් යමක් වෙතොත් දැනුම් දෙන්න.ලියන්න නම් බොහෝ දේ ඇත හැකි අයුරින් එය ලියමි.

6:39 AM by Sadeepa Ravishan · 1

Link එක Click කළ පසුව විවෘත වන වෙබ් පිටුවෙහි දැන්වීමක් වෙතඔත් එහි උඩ දකුණු කෙළවර තිබෙන Skip Ad බොත්තම ඔබන්න.

මෙහි පළ වන ලිපි sms මඟින් නොමිලේ ලබාගැනීමට
Follow sadeepamax
ලෙස type කර 40404 ට sms කරන්න. මෙය නොමිලේ සිදුවන සේවාවකි.

මෙම බ්ලොග් අඩවියෙහි කිසිඳු ලිපියක් උපුටා ගැනීම තහනම් වන අතර එසේ සිදු කරන අයගේ වෙබ් / බ්ලොග් අඩවි ගූගල් සමාගමේ "Blogger Copyright Infringement" යටතේ නීතිමය පියවර මත අන්තර්ජාලයෙන් ඉවත් කෙරේ.
Powered by Blogger.