ලොව සිසිල්ම ගම්මානය බලන්න යමු

අද ටිකක් වෙනස් ලිපියක් ගේන්න හිතුවා, මේ කියන්න යන්නෙ ලොව අඩුම උශ්ණත්වයක මිනිස් වාසයක් පවතින ගම ගැන. එනම් රුසියාවේ පිහිටි Oymyakon. සිසිලසේ ධ්‍රැවය ලෙසින් හඳුන්වන මෙම ගම්මානයේ උශ්ණතවය ඇසුවොත් ඔබ පුදුමයට පත් වේවී.ජනවාරි මාසයේදී එය -50' C ව තිබුණු අතර එහි අවම උශ්ණත්වය වාර්ථා වූයේ 2013 පෙබරවාරි මාසයේදීය, ඒ -71' C වශයෙනි.උණු තේ කෝප්පයක් විසි කළොත් බිමට වැටෙන්නෙ අයිස් වෙලා තමයි.

දර ගොඩක් ළඟ වකුටු වෙලා ඉන්න බල්ලෙක්.විදුලි බලාගාරයට අවශ්‍ය ගල් අඟුරු හරියාකාරව නොලැබෙන අවස්ථාවලදී ඒ වෙනුවට භාවිතා කරන්නේ දර මඟිනි.

ඇත්තෙන්ම මේ ගමේ ජීවත් වෙනවා කියන්නෙ පුදුමාකාර අත්දැකීම් රැසකට මුහුණ දෙන්න වෙන වැඩක්.ඇස් කණ්නාඩි මුහුණටම ගල් වෙලා තියෙන්නෙ, බැටරි වල බලය ඉක්මනින් ක්ශය වෙනවා, උනුසුම් ගරාජයක තබන්නෙ නැත්නම් වාහනය නොකඩවා පණගන්වා තබන්න වෙනවා, ජංගම දුරකථනයක වුවත් බැටරිය ආරක්ශා කර ගැනීම අපහසු දෙයක්.

සිසිලසේ නොකඩවා පණගන්වා තබන වාහන.

ගෙවල් උණුසුම් වෙන්නෙ දර පිළිස්සීමෙන්.

නිවසින් පිටත ඇති වැසිකිළි.

Oymyakon හී වගා කරන කාලය කෙටි බැවින්, එහි සිටින මිනිසුන් මද වශයෙන් එලවළු සහ පළතුරු ආහරයට ගනී. ඔවුන්ගේ ගොවිපළවල් වල ඇති කරන පිනිමුවන්ගේ හා අශ්වයින්ගේ මස් හා කිරි මෙන්ම මාළු මොවුන්ගේ ආහාරයේ ප්‍රධාන තැනක් ගනී. මඳ වශයෙන් එලවළු සහ පළතුරු ආහරයට ගන්නා මොවුන්ට මන්දපෝශණය එතරම් ගැටලුවක් නොවේ.

 

ආහාර සඳහා හිම මත මසුන් අල්ලන අවස්ථාවක්.

Oymyakon හී වැසියන්ට ආහාර සම්පතක් ලෙස මෙම මාළු ගත හැක.

මේ මාළු වෙළෙන්දා වගේ ගොඩ දෙනෙක්ගෙ ජීවිත ගෙවෙන්නෙ ඔය දරාගන්න බැරි සීතලේ තමයි.

ගොවිපළක සිටින පිනිමුවන් රංචුවක්.

මුල් කාලයේදී පිනිමුවන් ඇති කළ අයට වෙන්වූ ගමක් වූ මෙහි දැනට 500ක් පමණ ජීවත් වේ.කෙසේ වෙතත් ඔවුනට ඇත්තේ එක් කඩපිළක් හා ආසන්නව ඇති ඉන්ධන හලකි.

ලී වලින් හදපු ගෙයක්.

Lost Bar - මෙය ලොව හුදෙකලාම Bar එක ලෙසත් හඳුන්වයි.

පහළ තියෙන්නෙ Oymyakon වලට යද්දි හමුවෙන ඉන්ධනහල.

පිනිමුව හම් වලින් හදපු බූට් පාවහන් මේ ප්‍රදේශයේ ජනප්‍රිය අතර යුරෝ 300ක් පමණ වටිනාකමක් දරයි.

Lena ගංගාවේ ජලයෙන් අයිස් වතුරෙ ගිලෙන පුද්ගලයෙක්. ඔවුන් මෙසේ Orthodox Epiphany සමරයි.

Oymyakon ගම්මානය අස්ථි ශීත කරන ශීත සෘතුවලින් සමන්විත වුවත්, මෙහි වටපිටාව ග්‍රීශ්මයේදි මෙය සංචාරක ආකර්ශණය ඇති කරන්නක් වේ.

පින්තූර :- Alex Saurel , Amos Chapple , Reuters.

7:05 AM by Unknown · 2

Photoshop වලින් Hair Color කරමු

එහෙනම් යාලුවනේ කාලෙකට පස්සෙ Photoshop Tutorial එකක් අරන් ආවා, කස්ටිය කැමතිත් ඇතිනෙ මේ වගේ වැඩ වලට.දැනගත්තට වැඩි වෙන්නෙ නැති නිසා කරලම බලමු වැඩේ.
මුලින්ම වැඩේට සෙට් වෙන Photo එක Photoshop වලින් open කරගන්න.

දැන් අලුත් Layer එකක් හදාගන්න

ඊළඟට Brush Tool එකෙන් හිසකෙස් සහිත කොටස සුදු පාටින් Brush කරන්න.පහත පින්තූරය බලන්න.

දැන් Layer එකට Soft Light Filter එක දෙන්න.

හරි එහෙනම් Ctrl+U ඔබලා Colorize එකට tick එකක් දාන්න.

Hue , Saturation , Lightness ඉහත ආකාරය සකසා ඔබට සුදුසු ආකාරයට එය සීරුමාරු කර Hair Color කරගන්න. :)

වැඩියෙන් පාට වෙලා තියෙන කොටස් Eraser Tool එකෙන් මකාගන්න.

1:47 AM by Unknown · 0

Processor එක පරිගණක මතකය සමඟ ගනුදෙනු කරන්නේ කෙසේද?

පරිගණක මතකය කිව්වම ගොඩ දෙනෙකුට මතක් වෙන්නෙ පරිගණක දෘඩ තැටිය නොහොත් Hard Disk Drive එක, ඔව් ඒකත් එක්තරා මතකයක්. නමුත් පරිගණයකේ ප්‍රධාන මතකය වෙන්නෙ Hard එක නම් නෙවේ, RAM (Random Access Memory) එක. ඔයාලා දන්නවත් ඇති RAM එකේ මතක ධාරිතාව වැඩි උනාම පරිගණකය වේගවත් වෙන කතාව. ඔව් ඒක ඇත්ත, නමුත් පරිගණක වේගය බලන්නෙ Processor එකෙන්නෙ? හරි ඔය ගැටලුවට පිළිතුරක් ලැබෙයි මේ ලිපිය කියෙව්වම. යාලුවනේ Processor එක කියන්නෙ තත්පරයත් මිලියනයකට බෙදාගෙන පරිගණක වැඩසටහන් පාලනය කරන උපාංගයක්.

CPU කියන්නෙත් Processor එකට, මේ කොටසින් තමා පරිගණකයේ සියලුම උපාංග පාලනය වෙන්නෙ. ගොඩක් අය CPU කියලා කියන්නෙ System Unit එක, ඒක වැරදියි.මොකද ඔය System Unit එක ඇතුලෙ තමයි CPU, Motherboard, Hard Disk Drive, CD-ROM Drive එහෙම තියෙන්නෙ. හරි මේ වගේ වේගෙකින් වැඩ කරන උපාංගයකට අවශ්‍ය දත්ත ලබා ගැනීමට සිදුවන්නේ HDD (Hard Disk Drive) එකෙන්. ඒත් HDD එක ඔය CPU(Processor) එක තරම් වේගවත් නැහැ. එහෙනම් කොහොමද HDD එකේ තියෙන දේවල් CPU එකට එන්නෙ? මෙහෙමයි, CPU එකයි HDD එකයි අතරට දානවා RAM කියන අතරමැදියව.

RAM එක කියන්නෙ HDD එකටත් වඩා වේගයෙන් දත්ත හුවමාරු කරන්න උදව් වෙන කෙනෙක්. ඉතින් RAM එක කරන්නෙ CPU එකට නිතර නිතර අවශ්‍ය වන දත්ත තාවකාලිකව ගබඩා කරගෙන ඉන්නවා අවශ්ය වෙනකොට දෙන්න. නැත්නම් CPU එකට කරදරයි HDD එකෙන් මන්දගමීව දත්ත ලබාගන්න. හරි අපි පොඩි උදාහරණයක් ගමු, හිතන්න අපි Media Player එකෙන් MP3 එකක් අහන්න යනවා කියලා කියලා, ඉතින් අපි අවශ්‍ය MP3 එක Play කරන්න කියලා විධානයක් ලබා දෙනවා පරිගණකයට, ඉතින් CPU එකෙන් Signal එකක් දෙනවා HDD එකට මුලින්ම Player එක RAM එකට අරගන්න, ඊළඟට MP3 එකත් RAM එකට ගන්න කියලා.මොකද උනේ? අර Player එකයි MP3 එකයි තාවකාලිකව RAM එකට Copy උනා, ඒක නිසා CPU එක දැන් පහසුවෙන් MP3 එක Play කරනවා.

තවත් කතාවක්, යාලුවො දන්නවානෙ අපි Word Document එකක් එක්ක වැඩ කර කර ඉද්දි ඒක Save නොකර පරිගණයක Off කරොත් අර Word Document ආපහු ගන්න බැරි වෙනවා, ඇයි ඒ? මොකද අපි එටෙක් වෙලා වැඩ කරපු Word Document එක තාවකාලිකව ගබඩා වෙලා තිබ්බෙ RAM එකේ, හරි අපි ඒක Save කරා නම්? එතකොට වෙන්නෙ RAM එකේ තිබ්බ Word Document එක HDD එකටත් Copy වෙන එක. Hard එකේ තියෙන දේවල් පරිගණකය Off කරත් ගබඩා වෙලා තියෙනවා ඒත් RAM එක තාවකාලික මතකයක් නිසා එයා දත්ත ගබඩා කාර්ගෙන ඉන්නෙ On වෙලා ඉන්නකන් විතරයි.

ඇත්තටම HDD එකේ දත්ත CPU එකට ගන්න RAM එකේ වේගයත් ප්‍රමාණවත්ද? එය යම් අවස්ථා වලදි මදි වෙනවා, ඉතින් මෙකට CPU එක ඇතුලෙත් පොඩි තාවකලික මතකයක් තියෙනවා :) , ඒකට කියන්නෙ Cache Memory කියලා, එතකොට RAM එකෙන් එන දත්ත Cache එක හරහා තමයි CPU එකට එන්නෙ.Cache එක RAM එක වඩා වේගවත් වගේම CPU එක දත්ත සැකසුම් කරන වේගයටත් සමීපයි, මේකෙත් කොටස් දෙකක් තියෙනවා L1 (32KB පමණ දත්ත ගබඩා කරගන්නවා), L2 (1MB පමණ) මේ දෙක තියෙන්නෙ CPU එක ඇතුලෙමයි. Cache එක තියෙන්නෙ CPU එකට නිතර නිතරම අවශ්‍ය වෙන දේවල් ගබඩා කරගන්න, නැත්නම් ඉතින් ආයෙ RAM එකේ හොය හොයා රස්තියාදු වෙන්නෙ වෙනවානෙ.

මේක එදිනෙදා ජීවිතයට අනුව ගන්නවානම්, අපි පන්තියෙදි නිතර නිතර අවශ්‍ය වෙන පෑන් පැන්සල් ලඟින්ම තියාගන්නවා, Cache එකේ වගේ, ඒ කාල පරිච්චේදයෙදි අවශ්‍ය නොවෙන පොත් ටික ‍පොත් මේසෙ වෙනම තියාගන්නවා RAM එකේදි වගේ.අනෙක් පොත් ආ දී දේවල් බෑග් එකේ තියන්වා නිකන් HDD එකේ වගේ අවශ්‍ය උනාම ආයෙත් ලබාගන්නවා ඉහත ආකාරයට.

ඉතින් යාලුවනේ HDD එකේ තියෙන දත්ත CPU එකත් එක්ක ගනුදෙනු කරද්දි අවශ්‍ය වන RAM කියන ප්‍රධාන මතයේ ධාරිතාව වැඩි වෙන තරමට පරිගණකය දත්ත සැකසුම් කරන වේගයත් වැඩි වෙනවා, ඒ කියන්නෙ අඩු වෙලාවකදි වැඩි දත්ත ප්‍රමාණයක් එක්ක ගනුදෙනු කරනවා. එතකොට මොකක්ද අර CPU වල Speed එක බලන GHz කතාව?

GHz කියන්නෙ Gega Hertz

1GHz = 1000MHz
1MHz = 1000KHz
1KHz = 1000Hz

1Hz එකක් කියන්නෙ තත්පරයකට Hertz එකක් බැගිනි. Hertz වලින් මනින්නෙ පරිගණකයේ Clock Speed (තත්පරයකට ඇති කරන චක්‍ර ගණන) එක.මේ චක්‍ර අනුව තමා පරිගණකයේ උපදෙස් අනුව දත්ත සැකසුම් කරන්නෙ මේකට තමයි CPU වල Speed එක කියන්නෙ. ඉතින් ලබා දෙන උපදෙස් අනුව වැඩ කරන්න ප්‍රමාණවත් වන දත්ත ඉතා කෙටි කාලයකින් ලැබෙනවා නම් පරිගණය වේගයෙන් වැඩ කරනවා. වැඩි RAM ධාරිතාවක් තියෙද්දි නිතර නිතර HDD එකට නොයා RAM එකට අවශ්‍ය දත්ත වැඩි ප්‍රමාණයක් ගබඩා කරගන්න පුලුවන්. යාලුවන්ගෙන් වැඩිය ප්‍රතිචර නැති නිසා ඉතින් ලිපියක්වත් ලියන්න හිතෙන්නෙ නෑ. ;)

10:03 PM by Unknown · 7

දත්ත සහ තොරතුරු සන්නිවේදනය

දත්ත සහ තොරතුරු සන්නිවේදනය කියන්නෙ 21වන සියවසේ ප්‍රබළ ලෙස ලෝකයාට බලපමක් ඇති කළ දෙයකි.මොකක්ද මේ දත්ත සහ 

තොරතුරු සන්නිවේදනය යනු?

දත්ත හෝ තොරතුරු එක් ස්ථානයක සිට තවත් ස්ථානයකට සම්ප්‍රේශණය(Transmit) කිරීමයි.

දත්ත සහ තොරතුරු සන්නිවේදනයට අවශ්‍ය මුලිකාංග(Basic Components) මොනවාද?

• දත්ත ප්‍රභවය/දත්ත යවන්නා (Source / Sender)
• දත්ත සම්ප්‍රේෂණ මාධ්‍යය (Data Communication Medium)
• දත්ත ග්‍රාහකයා/දත්ත ලබා ගන්නා (Receiver / Sink)

දත්ත ප්‍රභවය/දත්ත යවන්නා (Source / Sender)

මෙතනදි කතාකරන්නෙ සම්ප්‍රේශණය කළ යුතු දත්ත නිපදවන්නා හෝ එය නිපදවන ස්ථානයයි.

උදා :- ඔබ යමෙකුට දුරකථන ඇමතුමක් ගන්නේනම් එහි දත්ත යවන්නා ඔබය.

දත්ත සම්ප්‍රේෂණ මාධ්‍යය (Data Communication Medium)

දත්ත යවන්නාගේ සිට එය ලබාගන්නා තෙක් භාවිතා වන මාධ්‍ය දත්ත සම්ප්‍රේෂණ මාධ්‍යය වේ.

ඉහත උදාහරණයට අනුව එම දුරකථන මාර්ගය මෙයට අදාල වේ.

දත්ත ග්‍රාහකයා/දත්ත ලබා ගන්නා (Receiver / Sink)

එලෙසින් සම්ප්‍රේශ්ණය වූ දත්ත ලබාගන්නා දත්ත ග්‍රාහකයා වේ.

ඉහත උදාහරණයට අනුව එම දුරකථන ඇමතුම ලබාගන්නා පුද්ගලයා ග්‍රාහකයා වනු ඇත.

දත්ත සම්ප්‍රේෂණ මාධ්‍යයන් (Data Communication Medias)

දත්ත හුවමාරු කිරීමට අවශ්‍ය වන සම්ප්‍රේෂණ මාධ්‍යයන් ප්‍රධාන කොටස් දෙකකි.

1. නියමු මාධ්‍ය (Guided Media) : දත්ත සම්ප්‍රේශණය සඳහා භාවිතා කරන්නේ භෞතික මාධ්‍යන්ය.

1. නියමු නොවන මාධ්‍ය (Unguided Media) : මෙය විකිරණ මාධ්‍ය (Radiated Media) ලෙසද හඳුන්වන අතර, මෙහිදි භාවිතා වන්නේ භෞතික නොවන මාධ්‍යන්ය.

නියමු මාධ්‍ය (Guided Media) 

නියමු මාධ්‍ය ලෙස භාවිතා කරනුයේ වයරයන් ය. උදා :

• Twisted Pair (සමාවෘත කම්බි යුගල)

මෙය බහුලව භාවිතා වන්නේ දුරකථන රැහැන් සඳහාය.

• Co-Axial Cable (සමාක්ශ යොත්)

තඹ කම්බියක් සහිත වයරය සිහින් තඹ කම්බි දැලකින් ආවරණය කර මෙය සකසා ඇත. රූපවාහින් යන්ත්‍රවල ඇන්ටෙනා වයරය ලෙස භාවිතා වන්නේ මෙම වයරයයි.

• Fiber Optics (ප්‍රකාශ තන්තු)

අද වන විට ජනප්‍රිය සන්නිවේදන මාධ්‍යක් වන ප්‍රකාශ තන්තු ඉතා වේගවත් ලෙස දත්ත සන්නිවේදනය කරනු ලබයි. මෙය අන් මාධ්‍යන්ට වඩා සාපේක්ශව මිළ අධිකය.

නියමු නොවන (රැහැන් රහිත) මාධ්‍ය

මෙහිදී කිසිඳු භෞතික මධ්‍යක් භාවිතා නොකරන අතර, විද්‍යුත්චුම්භක තරංග හරහා දත්ත සම්ප්‍රේශණය වේ. මේ ගැන වැඩිදුර විස්තර මෙම ලිපියෙන් ලබාගන්න. Remote Control වැඩ කරන්නේ කෙසේද.

• ගුවන් විදුලි තරංග (Radio Waves)

එදිනෙදා ජීවිතයේ භාවිතා කරනු ලබන FM ගුවන් විදුලි ක්‍රියා කරන්නේද නියමු නොවන මාධ්‍යක් හරහා සම්ප්‍රේශණය වන ගුවන් විදුලි නාලිකා මඟිනි.

• අධෝරක්ත කිරණ (Infrared Rays)

රැහැන් රහිත තාක්ශණයේ ඉතා සරළ අවස්ථාවක් වන මෙය පියවි ඇසට නොපෙනෙන ආලෝක කිරණ භාවිතා කරයි.මෙයට කදිම නිදසුන වන්නේ රූපවාහිනී යන්ත්‍ර සඳහා භාවිතා කරන Infrared Remote ය.

• ක්ශුද්‍ර තරංග (Microwaves)

ඉතා වැඩි දුරකට දත්ත සම්ප්‍රේශණය කිරීමට ක්ශුද්‍ර තරංග භාවිතා වේ.

ඒ හැරුණුකොට Bluetooth , Wi-Fi, Wi-Max පෙන්වාදිය හැක.

5:10 AM by Unknown · 1

GPS තාක්ශණය ගැන දැනගමු

GPS නොහොත් Global Positioning System යනු චන්ද්‍රිකා(Satellite) පදනම් කරගත් Navigation System එකකි.Navigation System එකක් යනු තමා සිටින ස්ථානය සිතියමකින් බලාගැනීමේ ක්‍රමයකි.මෙය සිදු වන්නෙ ඇමෙරිකානු ආරක්ශක අමාත්‍යංශය විසින් ලොව වටා කක්ශගත කර ඇති චන්ද්‍රිකා 24ක් මඟිනි.මෙය ප්‍රථමයෙන් යුධාය කටයුතු වලට භාවිතා කර ඇති අතර පසුව, (1980) රජය විසින් සිවිල් ජනයා හට භාවිතා කිරීමට ඉඩ ලබා දී ඇත.කුමන කාළගුණ තතවයකදී වුවත් පැය 24ම ලොව ඕනෑම ස්ථානයක සාර්ථකව මෙම GPS තාක්ශණය ක්‍රියාත්මක වේ.වැදගත් කරුණක් නම්, මෙය සම්පූර්ණයෙන්ම නොමිළේ ලබා දෙන සේවාවකි.

මෙය ක්‍රියාත්මක වන්නේ කෙසේද?

සෑම GPS චන්ද්‍රිකාවක්ම පෘථිවිය වෙත දත්ත සම්ප්‍රේශණය කරමින් තම කක්ශය මත දිනකට දෙවතාවක් ගමන් කරයි.GPS හ්‍රාහකයින් (Receivers) විසින් මෙම දත්ත උපයෝගීකොටගෙන තමා සිටින ස්ථානය ගණනය කරනු ලබනවා.GPS Satellite එකේ සිට තමා වෙත එවන සංඥාව එයට ලබාගන්නා කාලය සංසන්දනය කරමින් මෙම ගණනය කිරීම සිදු වේ.එමඟින් තමා (Receiver) හා GPS Satellite එක කෙතරම් දුරකින් සිටින්නේද යන්න සොයාගනී.මෙලෙසින් එක් Receiver එකක් GPS Satellite කිහිපයක් භාවිතා කොට තමා සිටින ස්ථානය Receiver එකෙහි සිතියම මඟින් නිරූපණය කරයි.

Receiver එක මඟින් තමා සිටින ස්ථානය ද්විමාන(2D) ලෙස නොහොත් අක්ශාංශ හා දේශාංශ මඟින් නිරූපණය කිරීමට අවම වශයෙන් GPS Satellite 3ක්වත් අවශ්‍ය වේ.GPS Satellite 4ක් හෝ ඊට වැඩි ප්‍රමාණයක් උපයෝගී කරගනිමින් තමා සිටින ස්ථානය 4D ලෙස නොහොත් අක්ශාංශ, දේශාංශ හා උත්තාංශ(latitude, longitude and altitude) වශයෙන් ලබාගත හැක.

 මෙලෙසින් Receiver සිටින ස්ථානය එක් ලබාගත් පසුව, GPS ඒකකය මඟින් එය ගමන් කරන වේගය, දිශාව, මාර්ගය, ගමන් කළ දුර, ගමනාරම්භයේ සිට ගමනන්තය දක්වා දුර, හිරු නැඟීම හා හිරු බැසීම සිදුවන කාලය වැනි දෑ දැනගත හැක.

GPS කෙතරම් නිවැරදිද?

අද භාවිතා වන GPS Receiver නිර්වද්‍යතාව අතින් ඉහළ වේ.මන්ද යත්, ඒවාගේ භාවිතා වන සමාන්තර බහු නාලිකා සැලැස්ම නිසාවෙනි (parallel multi-channel design).Garmin's 12 parallel channel receivers විසින් ඉතා කෙටි කාලයකදී Satellites විසින් සපයන දත්ත ලබාගැනීමටත්, ඒවා ක්‍රියාත්මක කළ විගස ප්‍රබල ලෙස එම සබඳතාවය පවත්වාගැනීමටත් හැකියාවක් පවතී.Garmin® GPS receivers හරහා 15m ට ආසාන්න වශයෙන් නිවැරදිව තමා සිටින ස්ථානය ගණනය කළ හැක.

WAAS - Wide Area Augmentation System (පුළුල් පරාසයක විහිදුනු පද්ධතියක්)  සමඟ එන Garmin GPS receivers තම නිර්වද්‍යතාවය 3m දක්වා අවම කිරීමට හැකියාවක් තිබේ.WAAS නිසා අමතර උපාංග භාවිතයක්ද සිදුවන්නේ නැත.Differential GPS (DGPS) හරහා එය තවත් නිර්වද්‍ය කරගත හැක (ඉහත පින්තූරය බලන්න).ඇමෙරිකානු වෙරළ ආරක්ශකයින් විසින් පවත්වාගෙන යන මෙම DGPS පද්ධතිය beacon transmitters භාවිතා කරන ස්ථාවර කුළුණු සමූහයක ජාලයකින් මෙම සේවාව ලබා දේ.මෙම සේවාව ලබාගැනීමට එකක් මෙන්ම differential beacon receiver හා beacon ඇන්ටනාවක් භාවිතා කළ යුතු වේ.

GPS චන්ද්‍රිකා පද්ධතිය (GPS Satellite System)

පෘථිවියට සැතපුම් 12,000 ක් ඉහලින් පිහිටා ඇති චන්ද්‍රිකා 24 ක් කක්ශගතකොට ඇත. මේවා නොකඩවා ගමන් කරන අතර පැය 24ට අඩු කාලය්කදී සෑම චන්ද්‍රිකාවක්ම වට දෙකක් තම කක්ශය හරහා ගමන් කරයි. මේවා පැයට සැතපුම් 7,000 ක වේගයෙන් ගමන් කරන අතර මෙම චන්ද්‍රිකා සූර්ය බලයෙන් ක්‍රියාත්මක වේ.සූර්යග්‍රහණයකදී වුවත් නොකඩවා බලය ලබාගැනීමට උපස්ථ බැටරි (Battery Backup) භාවිතා කරයි.සෑම චන්ද්‍රිකාවකම කුඩා Rocket boosters භාවිතා කරමින් ඒවායෙහි නිවැරදි ගමන් මාර්ගය පවත්වාගනී.

පහතින් දැක්වෙන්නේ GPS Satellite ගැන තවත් තොරතුරු කිහිපයකි

• පළමු GPS Satellite එක කක්ශගත කරන ලද්දේ 1978දී ය.
• මුල් වරට GPS Satellite 24ක මණ්ඩලය පිහිටවූයේ 1994දී ය.
• සෑම චන්ද්‍රිකාවක්ම වසර 10ක් දක්වා ක්‍රියාත්මක වීමට් සෑහෙන අතර ඉන් මත්තට භාවිතා විය යුතු චන්ද්‍රිකා දැනට නිපදවමින් පවතී.
• එක් චන්ද්‍රිකාවක් රාත්තල් 2000 ක් පමණ බරකින් යුක්ත වන අතර අඩි 17ක් වන හරස් සූර්ය පැනල අන්තර්ගත වේ.
• ඒවායෙහි සම්ප්‍රේශකය (Transmitter) 50w හෝ ඊට අඩු බලයක් නිකුත් කරයි.
• 1575.42 MHz UHF පරාසයකින් මෙම තරංග පිට කරති. අප භාවිතා කරන FM ගුවන්විදුලි වල නම් 88-108MHz පරාසයක් භාවිතා කරයි.
• එලෙසින් තොරතුරු කාණ්ඩ 3ක් සම්ප්‍රේශණය වේ.ඒවා නම්, Pseudorandom කේත, Ephemeris දත්ත හා Almanac දත්ත ය.
• Pseudorandom යනු එක් එක් චන්ද්‍රිකාව හඳුනාගැනීමට භාවිතා කරන කේතයයි.
• Ephemeris දත්ත මඟින් චන්ද්‍රිකාව හොඳ තත්වයේ පසුවන්නේද යන බව පෙන්වා දේ.
• Almanac දත්ත හරහා එම චන්ද්‍රිකාව දවසේ නියමිත් වේලාවෙදි කුමන ස්ථානයක සිටිය යුතුද යන බව හඳුනා ගනී.

එහෙනම් යලුවනේ කිව්වා වගේම GPS ගැන ලිපිය දුන්නා, ඔන්න ඔයාලට Comment එකක් දාලා යන්න තමයි වෙලාව.
Best thanks to www8.garmin.com

9:21 PM by Unknown · 2

35MB වලට Operating System එකක් මෙන්න

Floppy එකකින් දානවනම් 1.4MB Copy එකකුත් එක්ක එන මේ GUI OS එක PEN එකකින් උනත් Boot කරන්න පුලුවන්.

3:11 AM by Unknown · 2

ලේසියෙන්ම Photo Comment හදමු

අද මං අරන් ආවෙ Photo Comment කැමති විදියට හදාගන්න පුලුවන් ක්‍රමයක්.

2:52 AM by Unknown · 1

Android Phone එක DJ Console එකක් කරමු?

යාලුවනේ ඔන්න ගෙනාවා පට්ට පට පට භාන්ඩයක්. මතකද අපි Android Phone එක Octapad එකක් කරපු හැටි. මේක ඊටත් වඩා සුපිරි වැඩක්, ලොකු ගානක් දීලා ගන්න තියෙන DJ Console එක Phone එකට දාගෙන වැඩර් වගේ DJ කරන්න තමා තියෙන්නෙ. ;) ඒත් කොහොමද?
මෙන්න App එක අරගන්න. ---->>> 

Download Locations for DJ Studio 5 - Free music mixer APK 5.1.2 (File Size: 11M)

Download Options and Mirrors:

• Download APK from APKCRAFT

• install app from google play

6:15 AM by Unknown · 1